Janë zbardhur detaje të reja nga megaoperacioni i gjerë antikriminal, i cili në bashkëpunim me autoritetet italiane po zhvillohet në disa qytete të Shqipërisë.
Sipas mediave italiane, operacion i madh titullohet “Ura” dhe po zhvillohet kundër trafikut ndërkombëtar të drogës.
Ky operacion ka çuar në arrestimin e 52 personave midis Italisë dhe Shqipërisë.
Gjithashtu u sekuestruan pasuri të luajtshme dhe të paluajtshme me vlerë disa milion euro.
Më poshtë shihen edhe pamjet e publikuara nga mediat italiane të operacionit, të kryer nga Drejtoria e Hetimit Antimafia e Barit dhe autoritetet shqiptare, me ndihmën e Interpolit, Zyrës së Ekspertëve të Sigurisë së Tiranës dhe policisë shqiptare, me koordinimin e Eurojust dhe Drejtorisë Kombëtare Antimafia dhe Antiterrorizëm të Romës.
