Pamjet e para nga rrëzimi i avionit Boeing 737 kanë nisur të qarkullojnë në media dhe rrjtet, ndërkohë që sipas informacioneve nga 104 persona që ndodheshin në bord kanë arritur të shpëtojnë vetëm tri gra.
Mes atyre që vdiqën ishin pesë fëmijë, përfshirë edhe një fëmijë nën moshën dy vjeçare, njoftoi agjencia e lajmeve kubane Granma.
Vetëm katër vetë dolen gjalle, por njëri vdiq në spital dhe tre të tjerë, të cilët janë të gjitha gra, besohet të jenë ende në gjendje të rëndë.
Të mbijetuarit u dërguan në spitalin Calixto Garcia të Havanc.
“Ajo është e gjallë, por shumë e djegur dhe e fryrë,” i tha Reuters një i afërm i pikëlluar i një prej të mbijetuarve.
Teksa tymi vazhdonte të ngrihej nga pjesët e avionit të shkatërruar njerëzit janë parë duke bërtitur dhe duke vrapuar ndërsa përpiqen të gjejnë të mbijetuarit dhe të tërheqin trupat nga rrënojat.
Avioni u rrezua në një fushë pranë një shkolle në lagjen Santiago de las Vegas në Kubë, pak pas fluturimit. Mbeturinat u shpërndanë përgjatë zonës, 12 kilometra në jug të Havanës, dhe pjesët e zeza të avionit ishin të dukshme.
