Policia e Fierit ka arrestuar mëngjesin e sotëm shtetasin Ilia Papajani, 46 vjeç, banues në Tiranë, i cili u ndalua në aksin Levan-Tepelenë, duke transportuar 42 kg kanabis. Por ajo që bie në sy në videon që ka sjellë policia është fakti se pas arrestimit Papajani është dërguar në ambientet e policisë me makinën e tij luksoze, tip Tuareg.
NJOFTIMI I POLICISE
Finalizohet me sukses operacioni antidrogë i koduar “Levani”. Sekuestrohen 42.5 kg lëndë narkotike Cannabis Sattiva, arrestohet në flagrancë poseduesi.
Sektori për Hetimin e Narkotikëve e Trafiqeve në Drejtorinë Vendore të Policisë Fier, në bashkëpunim me Komisariatin e Policisë Fier, në kuadër të operacionit antidrogë të koduar “Levani”, arrestuan në flagrancë shtetasin: Ilia Papajani, 46 vjeç, banues në Tiranë.
Arrestimi këtij shtetasi u bë pasi në bazë të informacioneve të mara në rrugë operative dhe punës se efektivëve te policisë, në hyrje të autostradës LevanTepelenë, gjatë kontrollit të ushtruar mjetit tip
“TOUAREG” me targa AA 789 JI, në bagazh, iu gjet dhe sekuestrua në cilësinë e provës materiale 42.5 kg lëndë narkotike e dyshuar Cannabis Sattiva e ndarë në 10 pako.
Gjithashtu u sekuestruan në cilësinë e provës materiale edhe 5 aparate të ndryshme celulari si dhe mjeti Touareg me targa AA 789 JI.
