Bota

Video/ Ç’po ndodh në Itali? E treta në botë për të prekurit


               Publikuar në : 11:59 - 24/02/20 |
Opi Nion

 

Përhapja e shpejtë e koronavirusit në veriun e vendit ka bërë që Italia të renditet e treta mes vatrave kryesore të virusit në botë, pas Kinës dhe Koresë së Jugut, duke tejkaluar edhe Japoninë, (sipas të dhëna nga Universiteti Johns Hopkins).

Masat e ndërmarra nga autoritetet lokale, për të vënë nën kontroll epideminë, përfshijnë 50 mijë persona, ndërsa 11 komuna janë në karantinë. Në Lombardi, rajoni që regjistron numrin më të madh të të prekurve që tashme i ka tejkaluar 150-tët, janë mbyllur shkollat e universitetet si dhe janë ndaluar tubime e aktivitete që parashikojnë grumbullime njerëzish, ndërsa zonat argëtuese do të mbyllen pas orës 18:00.

Gjithashtu në Veneto, Piemonte, Liguria dhe Emilia Romagna po merren masa të ngjashme në Lombardinë. Postblloqe rrugore janë vendosur në hyrje të 10 qytezave të Lodinjanos dhe në rrugët që cojnë për në zonën e kuqe kanë nisur procedurat e filtrimit ku forcat e rendit paralajmërojnë shoferët se nëse vendosin të hyjnë, nuk do të kenë më mundësinë të dalin deri në një urdhër të dytë.

Milano, qyteti kryesor i rajonit njëherësh një nga qytet më të mëdha italiane, me popullsi 1.4 milionë banorë, duket i boshatisur, me trenat dhe autobusët që qëndrojnë në stacione. Në “Generali Tower” situata duket e  blinduar dhe kontrollet e temperaturës me skaner nuk lënë askënd me ethe apo temperaturë të kalojë.

Po ashtu, për shkak të situatës alarmante janë ndaluar taksat, faturat dhe hipotekat për ata që jetojnë në zonën e karantinës. Ndërkaq, qytetarët janë përfshirë nga paniku dhe kanë mësyrë supermarketet, të cilat thuajse janë zbrazur.

Megjithatë, rasti i Italisë tani alarmon të gjithë Evropën dhe veçanërisht vendet fqinje, të cilat janë duke ndjekur zhvillimet nga afër.

Ndër më ekstremistët, ka prej atyre që kërkojnë kontrolle të rrepta kufitare, siç është Marine Le Pen. Në mbrëmje ishte Rumania ajo që njoftoi masat e para të kontrollit në Evropë duke vendosur karantinën e detyrueshme për të gjithë personat që vijnë nga Lombardia dhe Veneto ose që kanë qenë në dy rajonet italiane në 14 ditët e fundit.

Nga ana tjetër, Salvini ka kërkuar masa radikale, transparencë dhe kontrolle të hekurta në kufi.

“Të dashur miq, këto janë ditë të vështira, por Italia gjithmonë ka dëshmuar që është një vend i fortë, i populluar nga njerëz të gatshëm për të reaguar dhe për tu rikuperuar, për të mos u dorëzuar kurrë. Ky nuk është momenti  për gjysma masa: nevojiten masa radikale, është e nevojshme të dëgjoni ekspertë dhe shkencëtarë, nevojitet transparencë, e vërteta dhe informacion i saktë, nevojiten kontrolle hekuri në kufij për ata që hynë në vendin tonë. Nga sot do të jem në Lombardi, pastaj në Umbria, në Romë, në Veneto, në Trentino dhe kudo ku ka nevojë.
Italia do ia dalë, sëbashku do ia dalim.” shkruan Matteo Salvini në Facebook./Opinion.al

Milano, “Generali Tower”

 

Torino

1 5 4 3 2 1 155626500-a4a581f5-38ba-429c-887f-0cd4904aee6f 151448118-36c8aef2-1d6d-4be0-bddc-54deb739043d 151135742-a210b997-870b-430a-ab80-78f876b4bcef 145158418-25fe9945-e33e-4ab9-a20e-51517e143ca0 143348811-f05dc6aa-1000-438c-92ef-e2568a5c3e27
<
>

Pas