Grupi britanik Coldplay kanë publikuar këngën e tyre të re me titull “Everglow”.
Ajo është kënga e pestë e albumit të grupit “A Head Full Of Dreams”.
Pjesë e këtij videoklipi është edhe legjenda e boksit Muhammad Ali, i cili shfaqet duke folur në një studio në Newcastle më 1977.
Ali gjatë këtij fjalimi ndër të tjera thotë se, “do ta përdorë emrin dhe popullaritetin e tij për bamirësi, të ndihmojë e të bashkojë njerëzit. Të gjithë kemi nevojë për dikë në botë që të na ndihmojë të kemi paqe”.
Klipi në më pak se dy ditë ka grumbulluar 1.3 milionë shikime.
