Motorrët e ujit janë shndërruar në kërcënim serioz për pushuesit e bregdetit shqiptar.
Një person humbi jetën sot në Himarë pasi u godit dhe gjymtua nga një mjet lundrues, por ky është rasti më fatkeq i një shqetësimi që tashmë po kthehet në normalitet në bregdetin tonë: Asnjë organ përgjegjës nuk kontrollon mjetet ujore që lëvizin pa kriter.
Në postën elektronike të opinion.al ka mbërritur kjo video ku duket se si një i apasionur pas motorrit të ujit, qarkullon në det të hapur në një mënyrë të pazakontë.
Ky person e drejton mjetin lundrues mbrapsht, me shpinë, në detin e Velipojës.
Ndërsa për personin mbetet një aventurë që mund t’i kushtojë edhe jetën, kjo është indinjuese për pushuesit që lahen në detin e Velipojës.
