Sokol Çikalleshi është treguar edhe njëherë vendimtar për ekipin e tij turk Akhisar, i cili i ka shpëtuar rënies nga kategoria në javët e fundit të Superligës turke.
Çikalleshi ofroi dy asiste në fitoren 2-0 që Akhisari arriti në transfertë kundër Kasimpasa
Falë dy pasimeve të tij, sulmuesi Vaz shënoi dy herë në minutat ‘46 dhe ’65. Sulmuesi i Kombëtares së Shqipërisë e filloi ndeshjen si titullar dhe qëndroi në fushë deri në minutën e 87. Në minutën e ’51, Çikalleshi u ndëshkua me karton të verdhë. Me këtë fitore, Akhisari shkon në kuotën e 36 pikëve dhe mban vendin e 12 në renditje, 10 pikë larg zonës së ftohtë.
