Mbrëmjen e 11 Shkurtit, në emisionin “Opinion” u diskutua mbi vendimin e Gjykatës së Lartë, e cila dënoi me 25 vite burg Dritan Dajtin.
I shumpërfolur në çështjet e drejtësisë shqiptare, Dajti është i akuzuar për disa vepra penale, por më flagrantja ishte ajo e vitit 2009, kur ai qëlloi mbi katër policë, të cilët pasi e kishin zbuluar vendodhjen u përpoqën ta arrestonin.
Më herët, Dajti ishte arratisur nga gjykata, ku po shkonte të gjykohej për një tjetër vrasje.
Historia e një vendimi, ku u përfshinë në reagime instancat më të larta shtetërore, u diskutua nga 4 të ftuarit e panelit, që risollën edhe një herë në vëmendje ngjarjen e rëndë të vitit 2009.
Artan Hoxha, Çlirim Gjata, Ferdinant Dervishi, dhe Zv.Ministri i Brendshëm Besfort Lamallari kanë qenë të ftuarit që diskutuan mbi këtë temë.
