Pastori i Nashville është përshëndetur si hero nga kongregacioni i tij, pasi arriti të shmangte një tragjedi në kishën ku ai shërben.
Ai arriti t’i heqë armën një burri që po e drejtonte atë drejt njerëzve gjatë meshës të së dielës.
Fatmirësisht, asnjë e shtënë nuk u regjistrua dhe askush nuk u lëndua gjatë incidentit në Kishën Pentekostale të Misionit të Nashville Light, njoftoi Departamenti i Policisë Metro Nashville.
Policia e identifikoi njeriun me armë si 26-vjeçarin Dezire Baganda. Të dhënat tregojnë se ai po përballet me 15 akuza për sulm të rëndë.
Pastori Ezekiel Ndikumana bëri sikur po largohej nga kisha, por në vend të kësaj, ai i shkoi nga mbrapa agresorit dhe e hodhi në tokë.
Shumë persona që po ndiqnin meshën e ndihmuan që ta mbanin të neutralizuar autorin, derisa erdhi policia.
“Perëndia po kujdesej për mua dhe të gjithë të tjerët në ndërtesë,” tha Nzojibugami Noe, një nga dëshmimtarët në ngjarje.
