Ministrja e Shëndetësisë Ogerta Manastirliu ka bërë një “video call” direkte nga zyra e saj me ekipin e mjekëve dhe infermierëve që në këto momente po shërbejnë në Spitalin Infektiv tek pacientët e konfirmuar me COVID-19.
Shefja e Shërbimit Infektiv prof. Najada Çomo shpjegoi gjatë lidhjes direkte me ministren që gjendja e 8 të prekurve është e stabilizuar dhe po vijojnë të ofrojnë shërbimin në kushtet e duhura dhe me veshjet e duhura.
Gjatë bashkëbisedimit me ministren, mjekët e infektivit kërkuan nga qytetarët që të kenë besim tek puna e tyre sepse po përpiqen për të bërë më të mirën e mundshme./Opinion.al
