Drejtuesi i Urgjencës Kombëtare Skënder Brataj, ka qenë një ndër personazhet e vitit të emisionit “Opinion”. Në një nga sektorët më të ekspozuar ndaj Covid, Brataj qe gjithashtu ndër të parët mjekë që u infektua në Shqipëri.
“Tmerri më i madh ishte momenti që u infektova. Brenda 10 ditësh unë u infektova dhe kisha qenë në kontakt me shumë njerëz. Gëzimi është kur shërohesh del negativ dhe je i lirë të fillosh jetën nga e para, pas 3 javësh karantine, ankthi dhe frike”, u shpreh mjeku.
I pyetur se si do të jetë situata në fillimin e vitit 2021, Skënder Brataj tregohet optimist, mbështetur në disa arsyetime.
“Ne e kemi thënë, duhet të bashkëjeojmë edhe disa muaj me koronavirusin, po tani jemi shumë më të qetë se situata është në konttorll. Fati më i mirë është që mbërriti vaksina. Fillimi i vitit do të jetë shumë më i qetë për të gjitha këto arsye, plus vaksinimi. Të mos harrojmë që një numër goxha i mirë është imunizuar në mënyrë natyrale tani”, tha Brataj./Opinion.al
