Bota

VIDEO/ Bombardimet e dronëve të Azerbajxhanit ndaj forcave armene


Bëhu pjesë e Grupit Zyrtar të Opinion.al
>> KËTU <<
               Publikuar në : 12:46 - 01/10/20 |
Al Do

Mbi 100 jetë njerëzish janë humbur në përplasjen mes Azerbajxhanit dhe Armenisë në rajonin Nagorno Karabak që nisi ditën e dielë.

Të dy vendet kanë shpallur gjendje lufte duke bërë që rajoni të ndodhet në pikën më të acaruar të marrëdhënieve që pas armëpushimit në 1994.

Forcat ushtarake të Azerbajxhanit kanë bombarduar disa pika të rajonit të Nagorno Karabak teksa presidenti Ilham Aliyev ka deklaruar se ato nuk do të ndalojnë deri sa forcat armene të largohen prej aty.

Pamje të bombardimeve me dron janë shpërndarë nga Ministria e Mbrojtjes së Azerbajxhanit. Në videot e shpërndara duket sulmi ndaj një autokolone armene dhe një tjetër ndaj një kundër-ajrori.

Ministria e mbrojtjes së Armenisë lëshoi gjithashtu një foto të një avioni armen SU-25 që tha se ishte rrëzuar nga një turk F-16 të martën. Turqia, ka hedhur poshtë pretendimet si “propagandë u ulët”.

Konflikti ka rritur tensionet midis aleatëve të NATO-s, Francës dhe Turqisë. Franca është shtëpia e shumë njerëzve me origjinë armene ndërsa Turqia ka mbështetur tradicionalisht kombin e saj turk të Azerbajxhanit.

Turqia tha se do të “bënte atë që është e nevojshme” për të mbështetur Azerbajxhanin dhe se solidariteti francez me Armeninë do të thotë mbështetje e pushtimit armen në Azerbajxhan.

Macron, vendi i të cilit është shtëpia e rreth 600,000 njerëzve me origjinë armene, akuzoi Turqinë për retorikë “luftarake”.

Rusia ka thënë se do të vazhdojë të punojë mbi krizën si në mënyrë të pavarur ashtu edhe me përfaqësues të tjerë të grupit të Minskut, të cilin ajo bashkëkryeton me Francën dhe Shtetet e Bashkuara./ Opinion.al

Pas