Deputeti i larguar nga PS, Ben Blushi ka publikuar në Facebook një video të “Forumit Botëror Ekonomik” ku tregohet shkalla e vdekshmërisë për shkak të ndotjes nga mbetjet në 10 vende të botës.
Mes tyre është edhe Shqipëria, që renditet në vendin e 5-të me 171.4 vdekje për 100 mijë banorë.
“Shikoni sa shqiptare humbim per shkak te mbetjeve”, shkruan në Facebook deputeti Ben Blushi. “Po me importin e mbetjeve sa do të jetë kjo shifër?”- shtron pyetjen Blushi.
Pak ditë pasi maxhoranca miratoi ligjin e importit të mbetjeve, Ben Blushi deklaroi largimin nga PS-ja. Ai tha se është kundër këtij ligji dhe po mbështet fuqimisht kauzën e shoqërisë civile në mënyrë që ky ligj të mos vihet në zbatim.
