Me dhjetra banorë kanë dalë në protestë këtë mëngjes në mbrojtje të banesave dhe biznesve të tyre të cilat preken nga ndërtimi i një segmenti rrugor në zonën e Unazës së Re.
Për këtë arsye ata kanë bllokuar rrugën në afërsi të mbikalimit të ri në kryeqytet.
Banorët kundërshtojnë me forcë vendimin për prishjen e banesave dhe bizneseve të tyre si edhe kanë premtuar që do të vazhdojnë protestën.
Ata i bëjnë thirrje kryeministrit Rama që të heqë dorë nga kjo marrëzi pasi ata nuk janë “shpellarë” por njerëz që i kanë paguar taksa këtij shteti.
Si planit të IKMT-së, janë përafërsisht 270 banesa dhe biznese që do të prishen në këtë pjesë të Unazës së Re.
Banorët thonë se njoftimi për shembjen e banesave dhe bizneseve u ka ardhur vetëm 3 ditë më parë.
Ata pretendojnë se projekti është ndryshuar rrugës, pasi nuk ka qenë ky projekti fillestar.
Ndaj kërkojnë që ose të rishikohet projkti ose të dëmshpërblehen për banesat dhe bizneset që do u shemben.
