Fakulteti i Drejtësisë në UT është i bllokuar prej 3 javësh. Një grup studentësh janë ngujuar brenda fakultetit, ndërsa një pjesë tjetër studentësh kërkojnë zhvillimin e mësimit. Dekani Artan Hoxha ka bërë thirrje grevistëve për lirimin e objektetit por ata vijojnë ngujimin duke penguar gjithë procesin mësimor në këtë fakultet. Dera kryesore është e zënë me banka.
Grupi studenëve që duan të vijojnë mësimin kanë kërkuar nga rektori i UT-së lirimin e ambienteve. Dhe në fakt titullari i insutitucionit është ai që ngarkohet me ligj për të zgjdhur këtë situatë.
Televizioni Klan, referuar dispozitave ligjore raporton se Mynyr Koni me mosreagimin e tij ka shkelur ligjin e Arsimit të Lartë dhe statusin e universitetit.
“Ligji e detyron Rektorin të ndërhyjë. Konkretisht, neni 5 i ligjit për arsimin e lartë dhe pika 34 e statutit thonë se kërkohet ndërhyrja e organeve të rendit nga ana e Rektorit. Pikërisht këtë të drejtë që ia njeh ligji nuk ka zbatuar Rektori për të liruar ambientet e Juridikut”, raporton Tv Klan.
Po kështu një grup studentësh kanë dorëzuar padi për “shpërdorim detyre” ndaj rektorit të UT-së Mynyr Koni.
/Ri-De
