Gazetari Blendi Fevziu, i pyetur sonte nga gazetari Çim Peka, ka folur në lidhje me situatën aktuale politike, por edhe për politikanët në veçanti. Fevziu e kritikon kreun e PD-së, Lulzim Basha për këshilltarët e dobët që kishte gjatë fushatës.
Në lidhje me ministrin e Brendshëm Fatmir Xhafaj, Fevziu është shprehur se ajo që ndodhi në Elbasan e ka bërë të kuptoj që Xhafa o është i paaftë o i pamundur, pra “i lidhur për të reaguar”.
Ja intervista e plote
Çim Peka: Blendi të falenderoj që gjete kohën jemi sërisht në “Fakt”. Keni botuar një shkrim në portalin tuaj “Opinion.al” mbi atë se kush po ja mbyll gojën PD-së, më sakt kush po ja mbyll gojëm Lulzim Bashës.
Blendi Fevziu: Më sakt ishte një shqetësim i imi personal, unë nuk mar përsipër tani të bëj një analizë shumë të plotë, por në gjykimin tim unë mendoj që në seancën e javës së kaluar, pra të së enjtes së kaluar opozita ka qenë jashtë kontekstit, pra në mënyrën se si unë i kam parë gjërat më duhet ta sqaroj këtu unë mendoj që sot ka një problem thelbësor i cili u shfaq dhe në një pjesë të caktuar të muajve të fundit të opozitës përpara çadrës opozita rrezikon të shkojë në një opozitë burokratike. Çdo të thotë një opozitë burokratike ? Opozita e cila funksionon mbi bazën e një planifikimi, mbi bazën e një rendi gjërash të cilat jo detyrimisht janë në kontekstin e ngjarjeve. Konteksti i ngjarjeve, kushdo që merret me gazetari dhe unë kam një eksperiencë gati 30 vjeçare të gazetarisë tashmë, konteksti i ngjarjeve dominon mbi axhendat që ti ndërton, pra në qoftë se ju bëni një axhendë të emisioneve tuaj që mund të jenë shumë të mirë, shumë të menduar, shumë e punuar, por që është në inkoherencë me zhvillimin është diçka që ta nxjerr jashtë loje emisionin, pra unë mendoja që ditën e enjte mbas deklaratave të ambasadorit Donald Lu kur e gjithë media u ndez dhe të gjithë komentatorët i dolën në krah, pra në mbrojtje ambasadorit, madje e konsideruan të vonuar dhe jo aq agresive sa duhej reagimin e ambasadorit unë prisja që opozita të kërkonte e para një takim urgjent, më fal flas për Partinë Demokratike, një takim urgjent me pjesën tjetër të opozitës që është Lëvizja Socialiste për Integrim. Do mendoja që duhet të ftonin dhe kryeministrin Rama dhe do ti thoshin hajdeni në një tryezë, sepse kemi një problem emergjent që është krimi që po e thonë partnerët tanë kryesorë. Në qoftë se kjo nuk do të funksiononte, sepse vështirë që të funksiononte, por midis dy partive të opozitës duhet të funksiononte, duhet të thërriste një interpelancë më kryeministrin dhe i kërkonte llogari kush janë 4 klanet mafioze dhe kush janë 20 familjet kriminale që dominojnë vendin, sepse është shumë e rëndë është e tmerrshme. Në këtë rast opozita tentoi të diskutonte diçka që ishte jashtë kontekstit, natyrisht që ishte diçka shumë e rëndësishme, por ishte jashtë kontekstit dhe në këtë moment, unë e kam edhe raport personal këtë, ti ndihesh i vetmuar, pra media u ndie në një farë mënyre e lënë mënjanë dhe jo në të njëjtën valë me opozitën. Shiko mediat kanë luajtur një rol shumë të rëndësishëm në këtë vend, por unë dua të them në vitet 2004-2005 kur mediat luajtën sidomos për denoncimin e korrupsionit dhe problemeve që kishte vendi patën një mbështetje qoftë edhe morale nga lideri i opozitës Sali Berisha. Në qoftë se ti i lë mediat në një terren kaotik të vendosur sot përballë një qeverie që është shumë e fuqishme, është qeveria më e fuqishme nga viti 2001 për arsye të numrave që zotëron në parlament, përballë një situate shumë të pafavorshme në raportet e brendshme mediatike tregon që opozita është jashtë, prapë flas këtu në rastin e Partisë Demokratike, pra është jashtë koherencës së zhvillimeve, pra ajo që po them unë është, nuk po them që dikush ja ka mbyllur gojën opozitës, është përse opozita ndenji tre ditë pa reaguar për videon e Elbasanit? Përse në seancën tjetër kur këtë reagim e bëri më të fortë ambasadori amerikan opozita nuk shkoi? Deri sot nuk kemi akoma një qëndrim zyrtar as të ministrit të brendshëm as të kryeministrit për ngjarjet e Elbasanit dhe të Vlorës, Durrësit, pra opozitës i erdhi në dorë një kartë, sepse më këtë moment që jemi ne është i gjithi në favor të mazhorancës, pra është një moment ku mazhoranca ka ndërtuar një qeveri, ka një opozitë që relativisht tenton të bëjë diçka LSI-ja diçka PD-ja, por akoma nuk ka një koherencë midis tyre. Kemi një mazhorancë e cila është në pikën më të lartë të saj dhe do vijë vetëm duke u ulur dhe befas në këtë situatë del nga qielli, pra nuk është nga qielli, por po e quaj një bonus absolut që ishin ngjarjet e Elbasanit dhe reagimi i ambasadorit amerikan. Është reagimi më i ashpër i ambasadorit amerikan që pas 2015-ës kur ai bëri një deklaratë lidhur me mos kandidimin e personave të inkriminuar në zgjedhjet lokale në atë kohë, pra në këtë moment opozita nuk është në koherencë. Unë mendoj, me përjashtim të në fjale të zotit Berisha kur doli nga parlamenti, unë mendoj që opozita nuk duhet të lejonte në parlament asgjë tjetër veç diskutimit për rendin. Kjo është pak a shumë ajo që them unë.
Çim Peka: Kjo është e vërtetë, megjithatë ka një gjë…
Blendi Fevziu: Shiko ky është shikim personal. Unë nuk jam…
Çim Peka: Edhe unë mendimin tuaj dua prandaj ju kam ftuar, gjithsesi duke qenë se ishit i pari që publikuat videon e Elbasanit, madje lajmi se prokuroria zbarkoi në zyrën tuaj ishte lajmi i ditës të nesërmen. Opozita sigurisht që mund të kishte axhendën kryesore të kësaj pas videos së tmerrshme të Elbasanit, pati 2-3 reagime të para të zotit Basha, madje më shumë replikat me zotin Rama spikatën të enjten e parë pastaj pothuajse u shua gjithçka.
Blendi Fevziu: Të enjten. Por e enjtja ishte katër ditë me vonesë nga video, video ishte të hënën reagimi ishte të enjten, nuk pati asnjë konferencë shtypi asnjë reagim në deklarata.
Çim Peka: Me këtë analizë që bëtë ju po thoni se media përveç përballë presionit të qeverisë mund të ketë edhe presion të bandave që ekzistojnë janë lënë në një farë forme jetime nga opozita, pra nuk po e ndjekin.
Blendi Fevziu: Që të jem i sinqertë e kam thënë gjithmonë presione nga banda, nga persona kriminalë ne nuk kemi pasur. Unë nuk kam pasur as gjatë gjithë viteve. Ai ekziston si presion i përgjithshëm, ekziston një psikozë e përgjithshme, unë ju them që në emisionin e parë fare unë nuk e dija fare çfarë ishte çështja e Elbasanit, por po jua them me sinqeritet nga 7 gazetarë që ne kontaktuam vetëm 2 gazetarë pranuan të vinin, njëri jashtë aktualitetit për momentin, por që pati kurajon të vinte dhe Klodiana Lalën nga Gazeta Shiptare. 5 gazetarët e tjerë na u përgjigjën që nuk vijmë të flasim, sepse kemi frikë dhe ky ishte problemi i parë pikërisht për këtë arsye situata ishte më emergjente. Në emisionin e dytë u përgjigj Artan Hoxha i cili erdhi dhe foli me kurajo, kjo kurajo e tij dhe publikimi hapi një lloj kurajo. Kemi pastaj Andi Bushatin, Mustafa Nanon dhe disa komentatorë të tjerë që ju dhanë kurajo gazetarëve të tjerë që të shpërthejnë për këtë çështje, por ishte një çështje për të cilën nuk po fliste askush në fillim dhe nuk po reagonte askush. Tani gjithmonë në Shqipëri ka pasur momente të presionit jo të vogla që vijnë mediatike, përplasjen indirekte me qeverinë. Ka qenë opozita gjithmonë që jep mbështetje, nuk mund të pretendosh që një grup gazetarësh mund të shkojnë dhe të kthehen në heronj duke pasur përballë një pengesë dhe në anën tjetër dikë që rri krejtësisht indiferent, pra ka një mosrakordim midis reagimit mediatik opozitar dhe mënyrës se si po funksionon opozita. Nuk e di shkakun e kësaj mund të jetë edhe fillimi, sepse nuk është ndezur akoma një sesion, por sot jemi në datën 11 tetor dhe sot kemi 1 muaj e gjysmë nga ardhja e opozitës dhe nuk kemi një reagim të plotë. Unë mendoj sot që Shqipëria ka nevojë më shumë për një qeverisje të mirë, ka nevojë për një opozitë të fortë. Unë mendoj dhe kjo është bindje që për një opozitë të fortë janë ata që mendojnë që qeveria e majtë po qeveris keq, janë ata që mendojnë që opozita është jetike për ta balancuar një qeverisje, por jam i bindur që e mendojnë edhe ata të majtë që e kuptojnë që një qeverisje më e përgjegjshme bëhet kur përballë ka një opozitë shumë të përgjegjshme dhe natyrisht agresive, sepse kështu frenohet korrupsioni, bëhen më të kujdesshëm ministrat, por është dramatike që përfaqësuesit e qeverisë, njerëz më të lartë të qeverisë janë gati-gati, e kthejnë ironi bisedën për opozitën, sepse ndihen të pacënuar. Sot kemi ministra të niveleve të larta financiare që nuk janë përmendur kurrë nga opozita në 4 vjet, nuk dua të përmend emra këtu, por ka gjithmonë një pikëpyetje të madhe si shpjegohet që njerëz të tjerë që kanë lëvizur miliona e miliona euro nuk janë përmendur kurrë nga opozita. Është fokusuar te Saimir Tahiri dhe ndonjë ministër dhe janë harruar ministra të tjerë. Dini ju sa ministra ka qeveria sot? Janë përmendur nga opozita ? Natyrisht mund të fokusohesh te Rama sepse është kryeministër, por ti goditjet do t’i japësh te të gjithë. Këtu duket sikur ka një lloj pazari me një pjesë të ministrave që administrojnë financa të mëdha dhe goditen 3-4 të tjerë që duken më target mediatik.
Çim Peka: A keni tentuar në emisionin tuaj dhe emisionet e fundit që keni bërë lidhur me, në mënyrë të veçantë ngjarjen e Elbasanit, të ftoni përfaqësues të mazhorancës?
Blendi Fevziu: Përfaqësues të mazhorancës kanë dashur të mos përfshihen në këtë debat, sepsesiç ka qenë përgjigjia ata janë duke punuar për një operacion të madh që do të rivendos autoritetin e shtetit në të gjitha strukturat, por në momentin që, dhe po ju tregoj një histori të thjeshtë. Të enjten e parë ne nuk gjenim përfaqësues të mazhorancës për në emision, unë kam vendosur që përfaqësuesit ë partive nuk i kam më të domosdoshëm në emision në funt të fundit balancat ruhen edhe me njerëz që kanë qëndrime të ngjashme dhe në momentin që opozita e ndezi në parlament pas një reagimi të Berishës dhe më pas të Bashës çështjen e Elbasanit ishte mazhoranca e cila kërkoi të sillte një njeri në emision, pra në qoftë se opozita nuk flet pse duhet të flasë mazhoranca, në qoftë se opozita nuk akuzon pse duhet të dalë mazhoranca të përballet me gazetarë dhe me të tjerë dhe ti hapë avaze vetes? Për mazhorancën qetësia është flori në një kuptim, pra kjo mazhorancë vazhdon të funksionojë normalisht e pashqetësuar ama kur reagon opozita është mazhoranca vetë që duhet të japë përgjigje. Në qoftë se ajo sot shtypin mund ta injorojë, punë e madhe, mund të shkruajnë portalet, 2-3 emisione në televizion, kjo nuk ka rëndësi, por kur reagon opozita reagimi ka një tjetër peshë dhe një tjetër rëndësi për këtë mund ta quaj një lloj harmonizimi.
Çim Peka: E qartë, megjithatë për të qenë korrekt pavarësisht tentativave së kësaj mazhorance, veçanërisht kryeministrit për të ndërtuar raporte shumë të ngushta me pronartë e mediave në një farë forme, kapje të mediave i quajnë kolegët sot ka alternativa mediatike pafund dhe e vërteta është se kjo qeveri është në breshëri kritikash dhe denoncimesh, sepse sot teknologjia ka bërë të vetën megjithatë kurrë nuk kemi pasur një kryeministër më komod në raport me mediat kryesore.
Blendi Fevziu: Shiko, e di që do të të duket paradoksale unë nuk do të doja tja vija drejtpërdrejtë Ramës që përgjegjësia bie ndaj tij. Unë mendoj se sot kemi një situatë shumë të rënduar mediatike, por që është një miksim gjërash në radhë të parë. E para është një tentativë e vazhdueshme e pronarëve të mediave për ta kthyer median në një lloj biznesi fitimprurës indirekt ka qenë gjithmonë, por për momentin është më e theksuar. E dyta kemi një problem që llidhet nga mënyra se si funksionojnë gazetarët të cilët të gjithë po tentojnë të japin duke parë këtë situatë të japin peshë personale vetes duke krijuar situata kaotike brenda mediave. E treta është një situatë që vjen nga transformimi mediatik global dhe jo vetëm shqiptar. Transformimi nga media tradicionale në transformimin në media media të rrjeteve sociale. Sot që po flasim unë mund të kem një vit pa parë lajme në televizor, sepse në celularin tim çdo sekondë mbërrijnë lajme dhe sot mediat kryesore të SHBA-ve sidomos që unë i ndjek kanë filluar të ndërtojnë edicionet e lajmeve drejt thellimit tek fenomeni dhe tek ngjarja dhe jo drejt informimit, spese informimi vjen sot në kohën reale. E dyta shpërndarja mediatike në rrjetet sociale po bëhet më e fortë sesa ajo që vjen nga televizioni. Pavarësisht se shumë veta nuk e kuptojnë unë mund tju nxjerr këtu një moment nga një prej emisioneve të mia, sepse më ka bërë shumë përshtypje i cili ka qenë një emision për deklaratat e Imamit të xhamisë së urës së Tabakëve, Elvis Naçi për të cilin unë praktikisht ruaj një respekt, i cili vetëm në transmetimin e tij në facebook, pra në facebook-un e tij ka pasur një shikueshmëri prej 328 mijë shikueshisë dhe po i njëjti emision në faqen opinion të tv Klan ka pasur 252mijë shikues pra 600 mijë shikues që ky emision i ka vetëm në dy platforma po 600 mijë shikues televizioni nuk arrin ti ketë në tëlëvizior. Pra në qoftë se ne kemi arritur në një pikë që duke përfituar aksesin nga rrjetet sociale ti shpërndahen tek 600 mijë vetë, vetëm në dy platforma pa llogaritur ndarjet të tjera, tregon që ti ke hyr në një epokë tjetër të mënyrës se si funksion media, unë i kam ruajtur këto për të treguar se çfarë është sot periudha e komunikimit, kështu që edhe idea po e quajë e censurës është një absurditet , e vetmja gjë që do coj, do çoj drejt përshtatjes drejt metodave të reja ka një tentativë të vazhdueshme une e shof në shqipëri për ta kthyer median nga një funksion i saj primar që ka në të gjithë botën, që mediat profilizohen sot në botë, kush do të shohë filma, spektakle gjëra shkon në kabull, kryesisht televizionet që mbeten janë televizione që fuksionojnë mbi bazën e informacionit të paktën kjo në SHBA dhe në Britaninë e Madhe, Europa po përshtatet më me vështirësi por duke nisur nga vendet gjermanike mbeten vetëm televizionet spanjolle dhe italiane që janë modele të televizioneve të tona sot, ka një tentativë të vazhdueshme për ta ndërtuar median si një lloj muzikë, humor , këngë, spektakël dhe për tu shmangur nga temat e mëdha dhe ballafaqimet e mëdha sepse kjo duket për momentin më komode nuk të krijon probleme me qeverinë, nuk të krijon probleme me bandat, nuk të krijon probleme me njerëzit e biznesit që ti mund të kritikosh, por afatgjatë është rrënuese, sepse gjithë kjo vëmendje do të transferohet tek mediat online.
Çim Peka: Këtë shqetësim e ndieni edhe në televizonin ku punoni ju ?
Blendi Fevziu: Unë personalisht nuk kam ndjerë kurrë shqetësime të këtij lloji, sepse gjërat janë personale. Unë e shoh që kjo është një tendencë e përgjithshme, në fund të fundit unë nuk jam njeri që varem nga raportet që mund të kem me televizionin, unë e ka ndërtuar raportin tim me emisionin tim, kam ruajtur një axhendë timen e cila ka qenë gjithmonë dhe në fund të fundit nuk kam lënë kurrë ditën që të shkoj dhe të negocioj në raport me emisionin. Ditën që do vijë koha për të negociuar unë e mbyll atë derë të atij emisioni dhe gjej një derë tjetër.
Çim Peka: Meqenëse jemi te opozita, opozita kryesore, partia demokratike ju kam ndjekur në debatin e parë që ka pasur Lulzim Basha si kryetar i rizgjedhur pas humbjes së 25 qershorit tek emisioni “Opinion” përballë 2 kolegëve, më bëri një përshtypje. Pikat kulminante të emisionit tuaj në mënyrë të veçantë me zotin Rama janë përballja me ato çfarë ai ka thënë dhe me insertet që ju i vini përballë. Zoti Basha ishte për herë të parë te ju dhe kolegët e pyetën. Blendi përpara se të kritikojmë të tjerët të shikojmë edhe pak veten. Pse munguan insertet kur demokratët e Vlorës apo disa qendrave të tjera votonin nga 2-3 herë ditën e 22 korrikut, sepse ajo që më ka bërë më shumë përshtypje është 22 korriku sesa 25 qershori. Që Edi Rama do t’i merrte ato zgjedhje të gjithë e dinim, e kishte vendosur t’i merrte, por që partia që konteston vjedhjen dhe blerjen e votave ta praktikojë një muaj mbrapa vetë. Të paktën kryetari i opozitës duhej të përballej me videot.
Blendi Fevziu: Tani ka një problem që është thelbësor, modeli i emisionit që u zgjodh me zotin Basha nuk ishte modeli i emisionit që u zgjodh me zotin Rama. Në qoftë se ne flasim për një intervistë të drejtpërdrejtë “face to face” nuk do mungojnë edhe insertet, nuk do mungojnë kurrë pyetjet, përgjegjësia është personalisht e imja. Ju e keni parasysh që edhe në përballjen e Ramës me 4 gazetarë përpara zgjedhjeve nuk kishte inserte, kishte vetëm një rrjedhë të dështimeve gjë që ja bëmë edhe zotit Basha,por ishte një listë dështimesh nuk kishte deklarata e para, problemi i parë. Problemi i dytë që është po aq problem thelbësor, pra ishte një model ndryshe modeli ndryshe në këtë rast ti ja lë protagonizmin dy gazetarëve që ata ta pyesin. Problemi i dytë ishte që ndryshe nga daljet e zotit Rama, zoti Basha vinte mbas shumë ngjarjeve të njëpasnjëshme, pra vinte mbasi kishte krijuar problemet me listën e Partisë Demokratike, mbasi kishte humbur zgjedhjet e përgjithshme, mbasi kishte fituar zgjedhjet brenda partisë, mbasi ishte kontestuar për zgjedhjet brenda partisë dhe mbasi kishte ndërtuar grupin parlamentar dhe kishte filluar opozitën me partinë socialiste, pra ishin 5 çështje të mëdha dhe ti në qoftë se një çështje kalon dhe ai nuk ka qenë i pranishëm për të folur, kur vjen çështja tjetër ajo çështja paraprake ku ai nuk ka folur konsiderohet e vjetëruar, pra ti e ke shumë të vështirë të kthehesh te një gjë pavarësisht përgjegjësisë personale që ai mban për këtë. Kështu që nuk besoj se ka qenë ndonjë lloj favorizimi ndaj zotit Basha, kur ka qenë për tu pyetur unë e kam pyetur shumë fort. Ka një problem që ndodh vazhdimisht dhe unë po e shoh së fundmi është pak më e vështirë të gjesh pyetje për liderin e opozitës për arsye të zhvillimeve përgjegjësinë e mban qeverisja në këtë rast, ndërkohë që kemi një problem të dytë që po ndodh problem të cilit unë kam tentuar t’i rri sa më shumë larg, ka qenë kontestimi i brendshëm i zotit Basha. Unë personalisht mendoj që një pjesë e atyre që kontestojnë zotin Basha kanë një të drejtë në të gjitha tezat kanë si dhe kam qenë kundër lënies jashtë të disa prej tyre, edhe pavarësisht të raporteve të mia personale. Për shembull për mua është e pashembullt që Jozefina Topalli të mos jetë në parlament, që Astrit Patozi të mos jetë në parlament, nuk ka rëndësi, por në anën tjetër unë gjykoj që kjo lëvizje që po tenton të kontestojë zotin Basha në një farë mënyre po përdoret mediatikisht nga qeveria e cila tenton që ta mbajë konfliktin brenda partisë demokratike dhe të krijojë situatë tjetër. Çfarë do sjellë lëvizja? Do sjellë një humbje akoma më të thellë të partisë demokratike në zgjedhjet e 2019, pra edhe dy –tre qarqe ku Partia Demokratike ka qenë më e fortë po ka fituar me vështirësi po marr Lezhën, nuk e di, Pogradecin, Shkodra vazhdon të jetë me e fortë kjo ndarje do ta bëj dhe kush është avantazhi në këtë mesë, çfarë fitohet në një vend dhe tjetra mu më është dukur e pa sens që vazhdimisht ne të fokusohemi më shumë te opozita e opozitës dhe jo te opozita e qeverishes që është më e madhe.
Ccim Peka: Pavarësisht që zoti Patozi e ka bërë dhe këtë thash e ka kontenstuar edhe qeverisjen.
Çështja është që në këtë situat që ndodhemi jemi pikërisht këtu edhe mabjtja e kësaj une e kam mbajtur edhe kur Z. Blushi e ka kontenstuar PS i kam dhënë njëlloj aksesi, por për sa kohë ishte në opozit aksesi ka qenë vetëm në ato dy javët e para që ai reagoj, kur PS-ja ishte në mazhorancë është tjetër gjë kur dikush konteston një mazhorancë nga brënda partisë, megjithatë këto të gjitha zhvlefsohen ju e dini shumë mirë gjërat ndodhin në momentin që ka ngjarje.
Nëqofëse një ngjarje prevalon dhe interesi i publikut është më i madh se sa kalkulimet tona, kalkulimet e shikueshmëris se ne këto kemi,atëher ti ndjek instiktin e publikut.
Ajo që unë mund të të themë, mund të themë që gjatë gjith muajit shtator dhe muajit gusht jam amrr në një mënyrë shumë të thelluar me analizën e shikushmërisë dhe me analizën e preferencave të publikut.
Ajo që shumë prej nesh mendojnë nuk është preferenca reale e publikut, publiku ka probleme shumë më të thella se sa problemet proçeduriale me të cilat ne merremi, domethënë jeta e përditshme, komtestimi i përditshëm i shqiptarëve nuk është proçedur, ka probleme me të cilat ne nuk flasim dhe ne kujtojmë se publiku, jo jo, publiku është jashtzakonisht i mprehtë me tema të tilla.
Çim Peka: Dakord jam me këtë pjesë, këtë po e prek dhe une online
Blendi Fevziu: Online dallohet më kollaj se ti ndjen menjëherë shikueshmërinë e një lajmi, po por kljo ndihe tnë mënyrë televizive domethënë ti e kupton si ulet e si ngrihet menjëherë preferenca.
Çim Peka: Unë ta shtrova këtë pyetje se Kryetari i Opozitës i cili konteston zgjedhjet me të drejt të 25 qershorit dhe vetëm një muaj mbrapa praktikon të njëjtën gjë, kuptohet në masë më të vogël
Blendi Fevziu: Sigurisht, unë e quaj një problem shumë të madh, në Shqipëri të gjithë tregojnë që bëjnë të njëjtën gjë që kanë bërë paraardhësit e tyre por në një formë ndryshe dhe predikojnë gjithmonë të kundërtën, po të marr, do të marr një rast, po të marr një rast shumë kollaj të cilat ishin ngjarjet e Sharrës të cilat unë ndoshta isha i vetmi i cili bëra dy emisione rresht sepse më erdhi keq për mënyrën se si po fuksiononte, por ama është një ngjarje identike për sa kohë PS ishte në opozitë i mbështeste në kohë që vjen në pushtet sillet ndryshe, PD sillej ndryshe kur ishte në pushtet dhe sillet ndryshe në opozitë, kjo histori po nuk mori fund shqipëria do të jetë gjithmonë në atë zgipën midis njerëzve që mendojnë që të dyja palët janë njësoj po nuk u bë diferenca që njëra palë të tregoj që është ndryshe nga pala tjetër, pra që i ka ca parime më të forta mbi kalkulimet e ditës asnjëherë nuk ka për të ecur para.
Çim Peka: Kthehemi te deklaratat e Ambasadorit Lu sepse në fakt janë pritur me skepticizëm dhe ndoshta ka edhe njëfar skepticizmi nga opozita jo pa të drejt në raport me ambasadorin amerikan në tiranë, pse pikërisht tani kur e njëjta situatë ka qenë edhe para zgjedhjeve?
Blendi Fevziu: Besoj që Ambasadori Lu në gjykimin tim..
Çim Peka: Pyetja është në gjykimin tuaj,Ambasadori Lu po tenton të shpëtoj karrierën e tij, po tenton të shpëtoj Edi Ramën duke dashur ta bëj pjesë opozite platforme, ose një strategjie të luftës ndaj krimit sepse e ka një kërkesë të till ndaj kryetarit të opozitës apo realisht në këtë moment që po flasim situata ka ardhur aty ku nuk mban më?
Blendi Fevziu: Jo unë mendoj, nuk mund të them se cila mund të jetë, nuk kam shumë informacione, informacioni im kryesor është që Lu ka qenë i shqetësuar për çështjen, informacioni që kam.
E ka biseduar me njerëz të tjerë që ka pasur kontakte çështjen e krimit, kam përshtypjen që ambasadori ka vënë re dhe kjo ndihet që ka një mungesë reagimi në publik dhe natyrisht në këto raste kanë qenë ambasadorët amerikan që i kanë dhënë një kurajo publike për ti mbështetur.
Ju e kujtoni deklaratën e Ambasadorit Xhejms Xhefri në 2003-in kur deklaroj baron të krimit ju njohim dhe do t’iu gjejm atje ku jeni, nëqofëse e mbani mend kjo deklaratë e Xhefrit lëvizi menjëherë policinë, arrestoi shumë prej tyre dhe shkarkoj rreth 80 veta nga policia në baz të një liste që në atë kohë u tha që Xhefri ja kishte dhënë ministrit të brendshëm të asaj kohe , Igli Toska dhe Nanos kuptohet.
Ka zhvillime të tjera në Uashigton besoj që nga informacionet që unë kam që mbeten të pa informuara ende mund të ketë një lëvizje nga burime konfidenciale që Xhonatan Mor do shkoj në vend ti Hojti Hi, Xhonatan Mur është një njeri që ka pasur probleme të vazhdueshme me po e quaj Ramën në atë kohë, por edhe gjërat ndryshojnë kur ti je kryeministër i shqipërisë, natyrisht do ketë një shikim pak më agresiv nga departamenti i shtetit dhe e dyta departamenti i shtetit do fokusohet tek çështja e krimit dhe e trafikut të drogës sepse krimi shqiptar dhe këtu tani janë informacione shumë të rezervuara, ne jemi kontaktuar nga diplomat dhe njerëz të shërbimeve të disa vendeve partnere të paktën dy prej tyre dhe tre në nivel diplomatik të cilët na kanë kërkuar të themi publikisht pa cituar emrat por të citojmë burimet zyrtare që paratë e krimit në Hollandë dhe Belgjik po investohen në Shqipëri, që njerëzit që janë problematik me krimin në Holandë dhe Belgjik janë njerëz me mbështetje të fortë në shqipëri, une nuk di të themë, kush, tek, perdërisa shërbimet e këtyre vendeve detyrohen ta bëjnë publike përmes medias diçka të till, rreth një vit më parë ne kemi pasur deklaratën e shërbimeve sekrete italiane që na kanë deklaruar për ta publikuar që rreth 200 milion euro neto nga tregëtia e kanabisit mbeten në shqipëri.
Dhe 200 milion është investitori më i madh në vend nuk ka asnjë që të investoj 200 milion euro në vit në shqiperi ska asnjë investitor në këtë aspekt shërbimet amerikane duhe të jenë më të avancuara nga të gjitha në këtë drejtim dhe shumë prej tyre janë të shqetësuar për dy arsye:
E para sepse paratë e krimit të organizuar, infrastruktura e krimit të organizuar që ka nisur për drograt e buta siç është kanabisi etj, mund të përdoret për drogëra të forta, pra dikush që transporton një ton kanabis nuk e ka problem të fusi 2 kg kokainë mjaftonë që ai të dij rrugën e komunikimit.
E dyta është një shqetësim ende i pa përligjur por gjithmonë parandalues që krimi mund të vihet në funksion të organizatave terroriste, mendohet që organizatat kanë parat dhe mjetet financiare dhe fanatizmin e tyre ndërsa krimi i organizuar mund të shërbej si infrastukturë pa pyetur se pse ndodh kjo, ky është një shqetësim që është evidentuar një vit e gjysmë më parë dhë që të gjitha.
Çim Peka: Dhe që është heshtur deri pas zgjedhjeve
Blendi Fevziu: Është heshtur sepse nuk ka pasur asgjë konkrete ka qenë një hipotezë por mesa duket shërbimet duhe të dinë diçka më shumë se sa ne dimë nga kontaktet që kam pasur në disa nivele, Rama ka një shqetësim në këtë drejtim por unë mendojqë do ketë një reagim, ndërkohë do ketë një reagim qeveritar ndaj krimit të organizuar edhe për të qetësuar partnerët ndërkombëtarët,por sot, po ta themë edhe njëherë deklaratat e ambasadorit Lu ishin një bonus për opozitën për të qëndruar përball.
Çim Peka: Kam parë një koment tuajin para pak ditësh, pas deklaratës së Ambasadorit Lu ku shpreheshit në një farë forme ndryshe nga pritshmërit tuaja, shprehëshit një zhgënjim ndaj ministrit të ri të rendit Fatmir Xhafaj
Blendi Fevziu: Shiko unë kam menduar se Fatmir Xhafa ka statusin e një zyrtari i cili ka punuar pavarësisht të shkuarë së tij në komitetin e rinisë etj, sepse kjo është e pak përdorim për hir të së vërtetës, Fatmir Xhafaj ka qenë 20 vjet deputet, 20 vjet në politik të shkuarën e tij si ish zyrtar të komitetin qëndror të rinisë, por një ministër i cili ka qenë një ministër drejtësie pa asnjë problem mund të bëhet ministër i brendshëm.
Nuk mund t’ja përmendësh atë në një moment, e njëjta histori edhe me Gramoz Ruçin ai është 30 vjet deputet i parlamentit pluralist të shqipërisë, duhe të kishe ndërhyrë që në momentet e para që mos ta lejoje por nëqofëse ti e lejon, ka qenë kryetar i grupit të PS, për mua ishte një zgjedhje e gabuar për shkak të imazhit që ai përcjell për vendin.
Çim Peka: Gjithsesi Ruçi nuk ka apsur fuksion ekzekutiv në demokraci
Blendi Fevziu: Nuk ka pasur
Çim Peka: Edhe e shkuara e Fatmir Xhafaj nuk mund të krahasohet me të Gramzo Ruçit
Fevziu: Po por unë po të themë e kam konsideruar Fatmir Xhafën një zyrtar, relativisht tipik, një ministër që ka qenë ministër i drejtësisë që ka qenë minsitër tjetër, njeri që nuk ka qenë modeli i njerëzve që qëndron me bandita ose me kriminel lart e posht nëpër restorante apo të shoqërohej prej tyre me aq sa e njof unë, kam menduar se do të bënte një kthesë të fortë në raport me goditjen ndaj krimit, gjërat e tjera është pak vështirë por goditjen ndaj krimit.
Ajo që ndodhi në Elbasan më ëri të kuptoj që xhafa o është i pa aft o i pa mundur , pra i lidhur për të reaguar sepse nëqofëse në rrethan tjetër dikush do të ishte ministër i brendshëm duhe të shkonte të vendosej në elbasan dhe të shikonte se çfarë po ndodh atje, unë e kam thënë krimi në shqipëri për hir të së vërtetës dhe për fatin tonë të keq, nuk është krim i fshehur, nuk është një krim siç ishte krimi mafia italiane, Bernardo Provenciano nuk i gjendej një foto që nga mosha 20 vjeçare, 40 vjet që nuk i gjendej një foto, Toto Rinës nuk i gjendej një foto, kriminielëve më të mëdhenj të Nju-Jorkut kanë qenë njerëzit të cilët kurr nuk aknë bërë karshillëk, kriminielët dhe banditët në shqipqri janë njerëzit që bëjnë karshillëk në publik, janë njerëzit që shfaqen çdo dit në lokalet më luksoze të tiranës dhë bëjnë shoë është një shoë i papërligjshëm dhe kjo ndodh në sy të policisë, në sy të partënerëve që ne kemi , të cilat i shohin dhe i raportojnë i raportojnë me meër dhe me mbiemër në sy të prokurorisë që veprona tje, unë iua thash ju kam sjell një shmebull ky ëhstë një shembull që në fakt mund mos ta kisha përdorur, insistuam rreth një vit e gjysmë më parë meqënse emisioni STOP rregjistroj, përdorim të tëmerrshëm droge në lokalet e natës dhe ne engritëm këtë çështje në emision i bëm një presion shumë të madh Ministrit të Brendshëm që ai të kryeënte një emision të befasishëm, ekreu operacionin, bllokoi dy –tre lokale nate ku u gjetën në mënyrë flagrante, infrastrukturë e përshtatur për përdorim drogrash të forta dhe drogëra kriminale të cilat mund të shkaktojnë jetën e adoleshentëve dhe atë dit ministrei i brëndshëm ka marr mbi 35 mesazhe nga deputet të parlamentit të shqipërisë, të cilët i thoshin pse i bije më qaf këtij biznesi apo atij biznesi, jo nuk i bije më qaf biznesi, i bije më qaf një përdorimi kriminal të biznesi, biznesi për çështje të drogës dhe aty shkojnë humbin jetën e tyre në një kuptim, shkatërrimit të jetës fëmijët e këtyre deputetëve, nipërat e këtyre deputetërve, fëmijët e secilit nga ne , dhe pse, pse mund të ma jepni përgjigje, pse një deputet duhe të shqetësohet se në një lokal nateë janë kapur ambiente të përdorimit të drogrës apo janë arrestuar njerëz.
Në këtë aspekt unë mendoj se Fatmir Xhafaj do të ishte më operativ deri tani nuk po shoh gj.
Peka: A do të thotë kjo, duket sikur e çertifikon pohimin e liderit të opozitës Lulzim Basha se ti kërkosh Ramës të luftoj krimin, ësahtë njëlloj ti kërkosh krimit të luftoj krimin, a është Edi Rama i lirë për ta luftuar krimin në gjykimin tuaj?
Fevziu: Këtë nuk e di, deri tani po tregon që ai ka një raport shumë të fortë, une do të kisha qenë, mënyra se si ai futi persona me të shkuar kriminale në qeverisjen e vendit në parlamentin apo në bashkitë qëndrore ishte një nga zhgënjimet e mia më të mëdha.
Kam qenë personalisht kritik edhe me emer edhe membiemer për të gjithë ata edhe ndaj Ramës vetë, mbi 10 herë e kam pyetur në studion time duke përmendur rekordet kriminale të këtyre.
Unë mendoj çdo kryeminstër, çdo njeri politik, pavarësisht lidhjeve paraprake mund ta luftoj krimin në një moment të caktuar, po ju përmend një thënie kjo është pjesa më absurde po kshu ndodh që shpeshherë politika bën dille me krimin ose me biznesin për të ardhur në pushtet.
Çështja është se në shumë raste këto dille prishen kur mardhënia nuk fuksion më, kshu ka fuksionuar edhe në vende të tjera më të zhvilluara, pra midis një interesi më të madh publik dhe presionit nga këta që e kanë ndihmuar, ka raste që politika zgjedh atë që quhet interesi publik, e lufton krimin, ne kemi raste të ngjashme krimi mund të reagoj, kemi parasysh cka ndodhur në Serbi, ku Xhinxhiq përdori të gjithë faktorët kriminal për të rrëzuar Millosheviçin dhe më pas ata e vranë.
Historia është e njëjtë ju mund të keni një histori interesante nëqofëse shihni serialin e fundit të filmit Narkos ku ministri i drejtësisë së Kolumbisë, ku djali i trafikantëve më të mëdhenj i thotë ne të kemi paguar dhe ti ke një dill me ne, ai i thotë, po, por dilli ishte për sa kohë opinioni publik nuk reagon, kur gjërat dalin në dritën e diellit dhe opinioni publik reagon atëherë asnjë dill nuk ekziston më në këtë aspekt, pavarësisht nga lidhjet e politikës me krimin ajo fillon e luftohet, nëqofëse se nuk luftohet atëherë ose ti je peng o je i paaftë për ta bërë këtë gjë.
Peka: Ka një debat të madh mbi aftësinë e Lulzim Bashës për të bërë opozit, një pjesë e kritikuesëve të tij thonë se është i kapur, një pjesë mendojnë se është i vonuar, kur themi i vonuar, i vonuar në kapjen e trendit të problemeve të asaj se më çfarë duhet të merret realisht opozita, siç është edhe rasti i senacës së fundi, ku askush deri më sot dhe realisht edhe Z. Basha nuk e kupton pse u ngujua 6 orë te foltorja, tekë e fundit çfarë zgjidhi, për diçka që nënkryetari i tij e kishte votuar që do të bëhej kësaj të enjte nesër.
Në gjykimin e Blendi Fevziut, Lulzim Basha i kapur, i vonuar apo pret radhën?
Fevziu: Në gjykimin tim fjalën e kapur nuk mund ta themë sepse duhe të kemë një fakt dhe e dyta të kapësh një lider opozite me çfarë do ta kapësh, natyrisht ka shumë vende që kapen, ka vende të Bashkimit Sovjetik ku ka gjithmonë një opozit zyrtare takon ndërkombëtarët edhe rojet ja cakton qeveria por ky nuk është shembulli në shqipëri.
E dyta unë shof disa luhatje të forta të Z.Basha që nuk arrij t’ja kuptoj, kam përshtypjen ai shpenzon me shumë kohë dhe shqetësim tek kontestimet e brendshme të PD-së dhe konkurentët e tij, ndjek më shumë ata se sa raportin me qeverisjen dhe e dyta ndryshe nga mënyra të tregoj dhe vendosmëri,
po shoh që ka një lloj inkoherence dhe hutimi në mënyrën e funksionimit, ose ai ka një problem me konsultimin, pra njerëzit me të cilët konsultohet janë krejtësisht jashtë politikës, pra nuk e njohin ambientin politik, ose ka një problem tashmë me mënyrën si funksionon. Unë dëgjova dhe intervistën e zotit Berisha këtu te ju, i cili tha ka pasur këshilltarë shumë të këqinj politik. Unë mendoj që këshilltarët politik janë dizastër, madje Berisha e tha mizerabël, por unë po them kanë qenë dizastër. Mënyra se si funksionon në shtet, nëse e merr dikë për ta shkatërruar do ta çosh atje. Mënyra se si u tentua që Lulzim Bashën ta fusnin për të konkurruar Ramën pikërisht në pikat ku ai është më i pakonkurueshëm ishte absurde. Unë ja kam thënë me pak fjalë edhe njërit prej këshilltarëve mediatik të zotit Basha. Edi Ramën mund ta veshësh me kostumin serioz të Lulzim Bashës dhe i rri, por Lulzim Bashën nuk mund ta veshësh kurrë me poturet dhe me atletet e Edi Ramës sepse do të duket komik. Tentativa për ta çuar për të treguar me një video selfie në spot duke treguar te të rinjtë ishte një dështim sepse ajo është një pjesë që Basha ka profilin e tij dhe duhet të luante me atë profil që akoma sot në Shqipëri ka mbështetje të fortë, një njeri serioz dhe që tregon vendosmëri. Plus mënyra se si funksionoi në goditjen ndaj LSI-së në ditët e para dhe perceptimi që la në publik që Partia Demokratike mund të bëjë një koalicion postzgjedhor me Partinë Socialiste ishte fatale. Pse ishte fatale? Unë e njoh shumë mirë të djathtën, i përkas një familje e cila ka votues të djathtë tradicionalë, pra që prej viteve të para. Partia Demokratike ka mesa duket 2 grupime brenda saj që për momentin po përplasen. Është një grupim që e sheh politikën si interes, pra që mendon që politika bëhet me vende pune, me punësim me njerëz që i fusin në punë dhe një grupim i dytë i cili mendon që politika është në radhë të parë një ideologji, pra është një vokacion ideologjik. Në momentin që ti nisesh dhe mendon se si të fusësh ca njerëz në punë ti automatikisht ke humbur një pjesë të madhe. Unë nuk di ta them sa, mua më rezulton që është 20% nga votimi i mëparshëm, por mund të jetë edhe më e madhe të atyre njerëzve të cilët e kanë raportin ideologjik, e kanë sfidën me Partinë Socialiste jo me punësimin. Im atë, kushërinj të mitë të cilët janë tashmë 70-80 vjeç nuk kanë asnjë interes më, por kanë interes për të votuar një të djathtë që konteston të majtën. Në momentin që ti thua se unë do jem me këta të majtë, sepse një pjesë e këtyre brenda partisë duan të bëhen ministra, zëvendës ministra, apo drejtorë dhe për të marrë një strukturë në punë ti ke humbur këtë pjesën tjetër është shumë e vështirë që t’i rifitosh këta njerëz pra në këtë aspekt gabimi i tij ishte fatal. Ajo që po shoh është që Basha po ripërsërit gabimet e fushatës, sepse ka ndërtuar një axhendë mediatike dhe i rri strikt kësaj axhende mediatike. Politika është pak si ai lojtari i sërfit, që ti diku e ul vrullin, por kur dallga e madhe ti duhet të qëndrosh ndryshe. Në qoftë se ti ecën më të njëjtin ritëm nga kjo anë dallga të merr dhe të përplas tutje dhe në momentin që të përplas tutje del një sërfist tjetër që ta kalon, pra në këtë aspekt Basha duhet të shohin në mënyrë më dinamike zhvillimet. Ajo që po mungon Berisha kishte një talent të jashtëzakonshëm në këtë drejtim për tu ndjekur me instikt zhvillimet dhe për tju atashuar ose për të tentuar t’i vinte ato në kontroll. Nuk i provokon dot ti kurrë zhvillimet, ti nuk e shpjegon dot kurrë se pse një çështje ndez në publik, por ama Berisha tentonte t’i kanalizonte në drejtimin e tij gjë që Basha më duket i vonuar. Kam përshtypjen që edhe brenda grupit të Partisë Demokratike ka pak vështirësi, sot unë nuk i gjej dot 5 veta që të jenë në qoftë se unë në studion time unë do të kërkoj po jua them dhe kjo është e sinqertë jua kam thënë dhe të tjerëve unë nuk gjej dot më shumë se 3-4 veta nga gjithë grupi parlamentar i Partisë Demokratike sot që mund të jenë të aftë të përballojnë një bisedë jo të recitojnë në studio, por të përballojnë një debat të vërtetë dhe kjo është një fatkeqësi nga njëra anë, sepse duhet sa më tepër të futen dhe të përfshihen në këtë lloj debati.
Çim Peka: Blendi faleminderit.
Blendi Fevziu: Faleminderit ju.
