Raketat Iskander u lëshuan nga Bjellorusia në Ukrainë rreth orës 17:00 thotë një këshilltar i ministrit të brendshëm të Ukrainës. Kjo vjen pasi zyra e Presidentit Zelensky njoftoi sot se zyrtarët ukrainas dhe rusë do të takohen për bisedime në kufirin Bjellorusi me Ukrainën të hënën.
Anton Herashchenko postoi pamjet e sulmit në Facebook.
“Iskanderët u nisën kundër Ukrainës nga afërsia e Mozyr”, ka shkruar ai. “Kjo do të thotë se ata kanë sjellë vdekjen diku … kështu që ky është lloji i armëpushimit që ne kemi?”
Një deklaratë ukrainase më herët tha se udhëheqësi bjellorus Alexander Lukashenko kishte “marrë përgjegjësinë për të siguruar që të gjithë avionët, helikopterët dhe raketat e stacionuara në territorin bjellorusi të mbeten në terren gjatë udhëtimit, bisedimeve dhe kthimit të delegacionit ukrainas”./Opinion.al
