Vetëm një ditë pasi Beyonce deklaroi se ajo dhe Jay Z janë në pritje të binjakëve, Billboard ka konfirmuar se këngëtarja pritet të performojë në skenën e ndarjes së çmimeve Grammy.
Ishte site-i Entertainment Tonight i cili fillimisht raportoi se Queen Bey ishte duke bërë prova për natën e madhe të 12 shkurtit. Ajo ka bërë prova bashkë me grupin e saj të baletit në një vend sekret në Kaliforni, transmeton opinion.al.
Beyonce është artistja me më shumë nominime, pasi ka arritur të grumbullojë plotë nëntë të tilla, duke përfshirë kategorinë e albumit më të mirë të vitit, këngës më të mirë, etj.
Mendohet se Beyonce ka pranuar shtatëzaninë e saj, pak ditë para shfaqjes në Grammy pasi nuk donte që lajmi të vihej në siklet gjatë provave dhe performancës.
Kujtojmë se Beyonce është artistja kryesore e festivalit Kalifornian, Coachella që mbahet nga data 14 deri në 23 prill.
Sipas site-it TMZ, Beyonce do të paguhet plotë 1 milionë dollarë për dy ditët që do të performojë. Deri atëherë barku i saj do të jetë fryrë edhe më shumë.
Beyonce deklaroi shtatëzaninë e parë gjatë performancës në MTV Video Music Awards në vitin 2011.
Një zgjedhje shumë e mirë marketingu kjo e bërë nga Beyonce, e cila me siguri do të nderohet me shumë çmime!/ opinion.al
