Besnik Hasi mori një fitore në transfertë me skuadrën e tij të Legias së Varshavës duke rritur mundësitë për kalimin në fazën e grupeve.
Polakët fituan mbrëmjen e së mërkurës me rezultatin 0-2 ndaj irlandezëve të Dundalk, në ndeshjen e parë për fazën e play-off-t në Ligën e Kampionëve.
Golin e avantazhit për skuadrën e drejtuar nga Hasi e shënoi Nikolics në minutnë e 56′ të pjesës së dytë me 11-metërsh, ndërsa Prijoviç dyfishoi shifrat në minutën e katërt të shtesës.
Dy golat në transfertë rrisin shanset për një kualifik të mundshëm në ndeshjen e kthimit për trajnerin shqiptar.
Një fitore me rezultat të thellë mori Celtic ndaj ndaj Beer Sheva-s (5-2), ndërsa Vijareali u ndal në shtëpi (1-2) nga Monako.
Roma nuk shkoi më larg se barazimi 1-1 në transfertë ndaj Portos dhe Ludogorets mposhti me 2 gola diferencë Plzen.
