Pandemia COVID-19 ka bërë që shumë shtete në botë ta bëjnë me detyrim mbajtjen e maskës.
Një ndër këto shtete është dhe Greqia. Lidhur me mbajtjen e maskës, një prift në kishën e Agios Nikolaos Flarios në Kalamata, ka ndërprerë meshën e Krishtlindjes, pasi disa nga besimtarët nuk kishin vendosur maskë.
Prifti iu drejtua besimtarëve që të mbajnë maskë ose të largohen nga kisha, gjë e cila u kundërshtua prej tyre duke thënë se as priftërinjtë dhe kori nuk mbanin maska.
Më tej, priftiu iu tha besimtarëve që nëse donin të kundërshtoinin masat e qeverisë duhet ta bënin në shtëpitë e tyre dhe jo në kishë.
“Ata që nuk mbajnë maskë, duhet të largohen. Mund të kundërshtoni në shtëpinë tuaj por jo këtu”, tha prifti, duke deklaruar se nëse personat në kishë nuk do të largoheshin do të njoftonte policinë./ Opinion.al
