Gjuajtja me këpucë që kryetarja e LSI-së Monika Kryemadhi i bëri kryeministrit Edi Rama në seancën e fundit parlamentar të vitit 2017 duket se ka marrë gjithë vëmendjen mediatike dhe atë të rrjeteve sociale e ende nuk po harrohet.
Ditën e sotme kanë qenë humoristët Besart Kallaku dhe Erion Isai ata që kanë shfrytëzuar situatën e tensionuar të parlamentit për të krijuar humor.
Në një video të postuar nga Besi në Instagram, ai shihet buzë një trotuari duke ngrënë fara e duke shitur këpucë.
Teksa Isai e pyet nëse ka këpucë të tjera, Besi ngre kokën lart e fillon të thërrsë me të madhe: “Edi Rama, Edi Rama…”
Në moment, një palë këpucë të tjera bien nga lart dhe Erioni pyet: “O vëlla, ke magazinën në katë të dytë?”
“Jo o vëlla, ka shtëpinë Monika Kryemadhi!”- i përgjigjet Besi. Ndiqni videon epike.
