Një ngjarje e rëndë ka ndodhur këtë të mërkurë në Gjermani. Të paktën një person humbi jetën dhe disa të tjerë u plagosën pasi një makinë u përplas me një turmë njerëzish në rrethin perëndimor të Berlinit, në Charlottenburg.
Shërbimet e urgjencës u thanë gazetarëve se incidenti kishte ndodhur rreth orës 10:30 të mëngjesit me orën lokale (8:30 UTC).
“Aktualisht rreth 60 personel të urgjencës janë në vendngjarje”- shkroi zjarrfikësja e Berlinit në Twitter.
Zëdhënësi i policisë së Berlinit, Martin Dams tha se shoferi i automjetit është ndaluar.
Ishte e paqartë nëse incidenti ishte rezultat i një aksidenti apo shoferi ishte përplasur qëllimisht me turmën, tha Dams.
Sanitäter versorgen Verletzte am #Kurfürstendamm Ecke Rankestrasse in #Berlin. Ein Auto fuhr in die Menge, mindestens eine tote Person pic.twitter.com/pVR8pC2vns
— Joachim Fahrun (@JoachimFahrun) June 8, 2022
