Kryetari i PD-së, Sali Berisha, është ulur për disa çaste në karriget e socialistëve, ndërsa ky gjest i tij ka shkaktuar ilaritet në sallë.
Berisha priste për të marrë fjalën në foltore, por ka pritur në ulëset e deputetëve të PS.
Më pas ai ka shpjeguar dhe arsyen e këtij veprimi.
“Jo rastësisht, për herë të parë, unë prita i ulur në një karrige të deputetëve socialistë.
E bëra me qëllimin më të sinqertë se sot, avoketër të vetëm të tyre në parlament janë demokratët dhe do ta vazhdojmë deri në fund të jemi zëdhënës të interesave të qytetarëve shqiptarë pa dallim.
Në këtë mënyrë, sesi është katandisur ky parlament sot, më shumë se kurrë shqiptarët kanë nevojë për përfaqësim. Sot është koha për veprime.
Këta janë nga mëngjesi në darkë për mashtrime dhe vjedhje. U bëj thirrje të gjithë mësuesve që me guxim dhe kurajë të mbrojnë interesat e tyre”, tha Berisha.
