Ish kryeministri Sali Berisha, ka festuar ditën e djeshme 73-vjetorin e lindjes. Duket se ditëlindja e tij ka vijuar edhe sot pasi grupi parlamentar e ka surprizuar në seli pas mbledhjes së sotme.
Ata i kishin sjellë një tortë në formën e librit dhe me foton e tij ku shkruanin mesazhin e urimit. I dashur doktor Berisha, edhe 100 vite të lumtura, me mirënjohje grupi parlamentar i PD-së”. Ka qenë kryetari Basha ai që i ka sjellë tortën, ndërsa të pranishmit i kanë kënduar “Happy Birthday to you”.
Fotot që ka publikuar “Balkanweb” tregojnë momente nga festimi i ditëlindjes së Berishës me deputetët demokratë. Kam qenë njeriu më me fat. Gjithë jetën më kanë festuar ditëlindjen familja në mënyrë shumë solemne dhe bashkëpunëtorët i kam pasur shumë të aftë, të zotë dhe miq”, mësohet se ka thënë Berisha.
Edhe portali “Syri.Net” ka publikuar një video nga momentet e surprizës.
