Ish-kryeministri Sali Berisha, të enjten, është ndalur edhe tek arsyet se pse Shqipërisë nuk ju hapen negociatat për në Bashkimin Europian.
Berisha nga studion e emisionit ‘Opinion’ në Tv Klan, theksoi se moshapja e negociatave ka ndodhur për dy arsye.
Ai tregoi se arsyeja e parë është mungesa e zgjedhjeve të lira në vend, ndërsa e dyta është bllokimi i hetimit për ish-ministrin Saimir Tahiri.
“Ju garantoj se zgjedhjet nuk do të ishin ato që qenë dhe nëse nuk do të ishte penguar hetimi i Saimir Tahirit, sot do të ishin hapur negociatat. Deputeti gjerman i tha Ramës: Ti jo vetëm që e bllokove, por sulmove prokurorin në mënyrën më të egër”, – tha Berisha.
