Ish kryeministri Sali Berisha ka theksuar në ‘Studio e Hapur’ se Edi Rama si kryeministër i vendit, duhet të dalë dhe t’u thotë shqiptarëve se Shqipëria do të zhvillohet mbi bazën e industrisë sëe riciklimit, sipas tij, ai duhet të ketë guxim për ta bërë një gjë të tillë. Berisha tha se modelin ekonomik të vendit kur ai ishte në qeverisje e kishte përqëndruar në të tjerë sektorë, vizioni i qeverisjes së djathtë ishte i vendosur tek energjia, dixhitalizimi dhe të tjerë sektorë.
Robert Rakipllari: A mendoni se duhet të ndalohet importi i të gjitha plehrave, sepse nga mungesa e kontrollit mund të futen mbetje të rrezikshme?
Berisha: Edhe nëse nuk janë të rrezikshme, jam kundër importit të tyre. Sepse nëqoftë se t’i don të të bësh industri lider, industrinë e riciklimit vendose. Unë kam pasur tjetër koncept për zhvillimin e vendit, jam përqëndruar me të gjithë forcën në energjitikë, jam përqëndruar në teknologjinë dixhitale, dhe në fusha të tjera. Unë mendoj se ai duhet të dalë dhe t’u thojë shqiptarëve, se shqipëria do të zhvillohet mbi bazën e industrisë së riciklimit, duhet të kesh guxim. Por ky nuk ka idenë e zhvillimit. Nëse unë e kisha këtë koncept, se Shqipëria do të zhvillohej mbi mbi bazën e industrisë së riciklimit, unë do ngrihesha, industria e riciklimit e bazuar në prodhimet e vendit, ajo është e vetëmbajtur.
Rakipllari: Në rregull, por ju këto koncepte i keni kur jeni në opozitë? Edhe Rama kur ishte në opozitë kishte këtë koncept, tani që është në qeveri, e ka braktisur një koncept të tillë?
Berisha: Edi Rama në atë kohë ishte kundër direktivës europiane, sot është përsëri kundër direktivës europiane. Kurse Sali Berisha në atë kohë e ndoqi direktivën europiane dhe sot ndjek po këtë direktivë.
Shiko videon:
