Aktualitet

Video/ Behgjet Pacolli: Ja si u njoha me Donald Trump



Bëhu pjesë e Grupit Zyrtar të Opinion.al
>> KËTU <<
               Publikuar në : 00:52 - 05/05/16 |
b.f

Lideri i AKR-së dhe ish-presidenti i Kosovës, Behgjet Pacolli, ka folur për njohjen e tij me kandidatin republikan për president të Shteteve të Bashkuara të Amerikës, Donald Trump, duke thënë se ai është mik i tij.

Pacolli ka treguar se miliarderit nga New Yorku ia ka anuluar takimin në momentet e fundit – jo vetëm një herë, por dy herë.

“Unë Trumpin e njoh që nga viti 1989 – ende në kohën e ish-Bashkimit Sovjetik. Ai ka udhëtuar edhe jashtë, dhe jemi takuar në Moskë. Jemi shoqëruar, si miq. E respektoj”, ka thënë Pacolli në emisionin Natën me Fatmir Spahiun, transmeton Express.

Por, përkundër miqësisë me Trumpin, ai ka thënë se përkrahë demokraten Hillary Clinton në një përballje të mundshme me të në zgjedhjet presidenciale në Shtetet e Bashkuara në muajin nëntor.

Shqiptarët do ta respektojnë edhe Trumpin, nëse ai bëhet president i SHBA’së, ka thënë Pacolli.

“Secili që fiton në SHBA, shqiptarët do ta respektojnë pa limite”, është shprehur ai.

Sipas Pacollit, edhe “Trump do të ishte një president i mrekullueshëm”.

KOMENTO (0)

Shkruaj nje koment

    Pas