“Përplasja kryesisht me zotin Meta ka ndodhur gjatë periudhës së Maqedonisë”. Kështu është shprehur mbrëmjen e djeshme në emisionin “Opinion” analisti Baton Haxhiu, i cili në fakt në këtë mënyrë i është përgjigjur presidentit Meta.
Ky i fundit gjatë intervistës gjithashtu për emisionin “Opinion”, kur u pyet lidhur me analistin Baton Haxhiu, u shpreh: “Kam njohur dikur një person me këtë emër, por nuk figuron që ekziston më ai që kam njohur unë”.
Në argumentin e tij lidhur me këtë deklaratë, analisti i njohur tha se Meta ka kopjuar në fakt një fjali që Haxhiu kishte thënë për presidentin.
“Kjo fjali është një kopje e asaj që kam thënë unë, që mund të flasim për Presidentin e Republikës, jo për Ilir Metën që kam njohur”, tha Haxhiu.
