Kryetari i PS Edi Rama dhe kryetari i PD, Lulzim Basha në kulmin e fushatën elektorale për zgjedhjet e përgjithshme të 25 qershorit janë pyetur në studion e “Opinion” nëse do të ketë një koalicion PS-PD për të qeverisur vendin në 4 vitet e ardhshme. Pyetja vjen në mesin e debatit mbi marrëveshjen e 18 majit ku u ra dakord për qeveri teknike dhe disa reforma që do të ndërmerren nga parlamenti i ri.
Ata janë përgjigjur të dy pak a shumë njësoj se synojnë të marrin një mandat të plotë, pra të qeverisin vetëm, por në asnjë moment nuk e kanë përjashtuar koalicionin, pra nuk kemi një “Jo, kategorike”.
Më poshtë deklaratat e Bashës dhe Ramës, përkatësisht më 6 dhe 1 qershor në studion e “Opinion”
Fevziu: A ka një marrëveshje për të bashkëqeverisur?
Basha: Jo, jo
Fevziu: A e shihni si një mundësi bashkëqeverisje?
Basha: Mundësia është për shqiptarët që të çojnë deri në zgjedhje Republikën e Re.
Fevziu: Nëse do keni nevojë për vota?
Basha: Nuk ka nëse, ka vendosmëri për të çuar papara një kauzë, është Republika e Re, nr. 6.
Fevziu: Nëse do keni nevojë për 71 vota?
Basha: Unë jam në betejë për ta fituar në emër të gjithë qytetarëve
***
Fevziu: Do bashkëqeverisni me PD?
Rama: Jo
Fevziu: Edhe nëse kërkesa vjen nga PD?
Rama: Ne (PS) është e fokusuar tek 25 qershori. Duam mandat të plotë, duam pavarësinë në timonin e qeverisjes dhe pastaj kush janë bashkëudhëtarët i takon 26 qershorit.
Fevizu: A ka marrëveshje paraprake kush merr më shumë vota merr kryeministrin?
Rama: Nuk kemi marrëveshje për këto gjëra. Ne duam nga shqiptarët te kemi pavarësi në drejtimin timonit. S’duam duar të tjera në timonin e reformave.
/R.D.-Opinion.al
