Pak minuta më parë kryetari i Partisë Demokratike Lulzim Basha ka mbajtur një fjalim para protestuesve në ditën e dytë të protestës.
Fjala e plotë
Të gjithë qytetarëve që na u bashkuan dje në protestën më madhështore që ka njohur ky vend në këtë shesh, që e keni pakëzuar si sheshin e lirisë, konsensusi qytetar po rritet nga momenti në moment, mbështetja e partnerëve ndërkombëtarë po rritet për kërkesën tonë të drejtë. Kërkojmë zgjedhje të lira dhe të ndershme, zgjedhje me një qeveri që do garantojë votën e lirë të qytetarëve.
Fitorja do të jetë fitorja juaj dhe e çdo shqiptari. Ne nuk jemi mbledhur këtu për kauzën e Bashës apo të PD, ne jemi këtu për kauzën e çdo shqiptari, për kauzën e fëmijëve shqiptarë, kjo i ka dhënë kauzës tonë një forcë.
Ne jemi në hapësirën e parë të lirisë tonë, ku qytetarët nuk kanë frikë të thonë të vërtetën, ku hallet dhe problemet tuaja do ti shtroni për ditë dhe pa frikë. Ky është sheshi nga ne nisim projektin tonë, pushtetin e qytetarëve.
Përballë nesh kemi një fasadë, një fasadë nga mjeshtri i fasadave. Fasada dhe bojë përpara, rrëmujë dhe kaos nga prapa.
Nuk ka kthim pas, ka vetëm ecje para drejt demokracisë. Në këtë betejë ne po krijojmë që sot nga ky shtet tiparet e asaj që ëndërrojmë për nesër. Nga ky shesh çdo shqiptar, do të mund të vijë këtu dhe halli i tij nuk do jetë i harruar por do të dëgjohet nga ky shesh dhe nga gjithë Shqipëria, Ky shesh është fundi i demokracisë fasadë dhe fillimi i demokracisë së vërtetë.
Dua të përshëndes gazetarët, operatorët që janë pjesë e kauzës së madhe të mediave të vërteta dhe jo atyre fasadë. Këtu nga ky shesh çdo kush do mund të flasë për hallin e vet. Të gjithë do kenë mundësinë të flasin dhe të dëgjohen.
Në këtë kuvend të lirisë. Ne këtu do të flasim jo vetëm për problemet, por edhe për ëndrrat. Dje morëm vendimin e madhe për zgjedhje të lira dhe të ndershme pa Edi Ramën.
Dita e dytë sapo ka nisur, mbështetja dhe besimi juaj janë garancia se fitorja po vjen dhe fitorja do të jetë e Shqipërisë.
Këtu në këtë shesh kemi ardhur, këtu do qëndrojmë dhe këtu nga ky shesh do shpallin fitoren e demokracisë së re.
[fbvideo link=”https://www.facebook.com/Ora.News.RTV/videos/712705245521267/” width=”500″ height=”400″ onlyvideo=”1″]
