Ditën e djeshme “opinion.al” publikoi lajmin për punimet që kompania “delta Star” po kryente në fshatin Memelisht të Pogradecit, duke vendosur në rrezik banorët e zonës. Shpimet me tritol në minierën e Krom-Nikelit, janë kthyer në një kërcënim për banorët e zonës duke i vendosur në rrezik jo vetëm jetën, por edhe pronën private.
Teksa ditën e djeshme u denoncua edhe dhuna që policia kishte ushtruar ndaj banorëve, kur ata po protestonin për këtë çështje, një tjetër denoncim i rëndë me video ka ardhur në redaksinë tonë. Sipas Ronerd Hasanaj, banues në këtë fshat ditën e sotme në vend kanë mbërritur 100 forca të ndryshme policie duke përhapur panik dhe terrorizuar banorët. Forcat e policisë, kanë rrethuar zonën, duke mos lejuar banorët të dalin prej aty.
Denoncimi:
“Pershendetje, kam bere para 2 ditesh nje denoncim per nje ngjarje te rende qe ka ndodhur ne fshatin Memelisht ku nje firme Kriminele kerkon te beje punime me lende plasese ne nje zone te banuar shum afer banesave te tyre. Dhe policia e Pogradecit qe i mbeshteti duke ushtruar dhune ndaj banoreve ku pati dhe te lenduar. Pas gjith denoncime qe kemi bere ne polici, sot me dt 30.08.2018 Qeveria sjell ne vendngjarje rreth 100 forca policore(jo te komisariatit te pogradecit). Midis tyre dhe forcat specjale duke perhapur panik tek banoret, pasi kane rrethuar zonen dhe ne cdo der te nje banese rrine 3-4 police per te mos lejuar banoret te dalin nga aty. Rruga esht e bllokuar dhe policia nuk do tja dije qe banoret e kane halle probleme dhe duhet te levizin. Por i mbajne te ngujuar ne shtepite e tyre. Dikush duhet te ndihmoje menjehere pasi banoret mund te ken nevoje te shkojn neper spitale sepse ka pleq te semure apo femije te vegjel. Nga kjo situate jane trembur edhe femijet pasi nuk dalin dot te luajne perpara shtepive te tyre, por rrine te hutur dhe pa folur fare nga paniku. Ky esht krim, dikush duhet te reagoje menjehere”, shkruhet në mesazhin e mbërritur në inboxin e faqes së Opinion.
Më poshtë janë edhe pamjet e dërguara nga denoncuesi, ku duket qartë situata kaotike e krijuar.
