Ka hyrë në ditën e shtatë greva e urisë në fshatin Zharrëz. 10 banorë të zonës po protestojnë kundër kompanisë Bankers Petrolium, të cilën e akuzojnë se përmes operacioneve të prodhimit të naftës shkakton tërmetet në fshatin e tyre.
Ata kanë vetëm një kusht: ngritjen e një komisioni ndërministror për të zbuluar shkaqet e lëkundjeve të tokës në zonën naftëmbajtëse Patoz-Marinëz.
Qani Rredhi nuk pranoi të shkonte për ndihmë të specializuar në Tiranë pasi mjekët e fierit konstatuan probleme me zemrën. Të njëjtin qëndrim po mbajnë edhe grevistët e tjerë. Ata kanë vendosur të mos marrin më as serume.
Të kontaktuar nga TV Klan, zyrtarë të qeverisë thonë se në kryeministri është duke u përgatitur urdhri për ngritjen e komisionit ndërministror, i cili do të kryesohet nga zv/kryeminstri Niko Peleshi.
Edhe Lëvizja Socialiste për Integrim ka kërkuar ngritjen e këtij komisioni. Nga ana e saj kompania Bankers Petrolium nuk merr përsipër asnjë përgjegjësi për tërmetet, të cilat sipas vijnë për shkaqe natyrore.
Së fundi, ajo ka ndërprerë edhe injektimin e ujit që ndihmon për nxjerrjen e naftës në këtë zonë, deri në daljen e konkluzioneve përfundimtare nga institucionet shtetërore./ Tv Klan
