Rreziku i përmbytjeve kaloi, por tani banorët e Ferrasit kanë përpara një sfidë të vështirë. Të mbledhin gjithçka që shpëtoi nga pasuria e tyre.
Pjesa më e madhe e shtëpive të përmbytura janë banesa përdhese.
“Dollapi i njomë, të gjitha të njoma.”
“Mbi 80 cm brenda në shtëpi.”
“Sa çova kalamajtë nga plaka, këtej u mbytën të gjitha. Kisha 80 kokë shpesë deti kanë ngelur 10 kokë.”
“Sado që kishim vënë thasët me rërë, nuk pyeti më.”
Kompesimin e dëmeve e kërkojnë duke i kujtuar shtetit se gaboi herën e kaluar me trajtimin dhe ndihmat për familjet e prekura nga përmbytjet.
“26 milionë e ca lekë mbrapa edhe kam marrë 1 800 000 lekë të vjetra.”
“Përpara tre vjetësh nuk e morëm komplet dëmin, jo më do marrim dëm kësaj radhe prapë. Se besoj.”
Energjia është rikthyer, por ka ende probleme me ujin e pijshëm. Shkak për këtë është stakimi i pompave nga Ujësjellësi i Fierit për të shmangur përmbytjen e stacionit që ndodhet pranë brigjeve të Vjosës në Kafaraj. /Tv Klan
