Një avion ukrainas është rrëzuar gjatë orëve të mbrëmjes në afërsi të Kavalas në Greqi. Avioni i mallrave tip Antonov ishte nisur nga Nishi i Serbisë për në Jordani dhe transportonte rreth 12 tonë lëndë eksplozive.
Nga informacionet e para mësohet se në bord ishin 8 anëtarë të ekuipazhit, të gjithë ukrainas të cilët dyshohen se kanë vdekur.
Sipas mediave greke pak para se të rrëzohej ekuipazhi kishte njoftuar kullën e kontrollit të Athinës se ka pësuar defekt dhe kërkoi të bënte ulje emergjente në aeroportin e Kavalës.
Duket se kjo nuk ka qenë e mundur pasi nga banorët vendas janë xhiruar pamje që tregojnë avionin të drejtohet me shpejtësi drejt sipërfaqes së tokës dhe një shpërthim i fuqishëm ka shoqëruar përplasjen.
Shpërthime të fuqishme kanë vijuar gjatë gjithë natës ndërsa sot në mëngjes situata është e qetë.
Gjithsesi forcat e policisë greke kanë mbajtur larg banorët dhe mediat pasi ende nuk dihet me saktësi se çfarë lënde kishte avioni. Edhe zjarrfikësit janë në vendngjarje, por nuk kanë ndërhyrë.
#Καβαλα
Σοκαριστικό απλά
Πτώση αεροσκάφους pic.twitter.com/f7iHZBPjIL— P. Sherman, Wallaby 42, Sydney (@PShermanWall) July 16, 2022
https://youtu.be/zW3U6TzBoNE
