Një video dramatike e një avioni duke u përplasur në det pak metra nga një plazh i frekuentuar nga njerëzit në New Hampshire ka bërë xhiron e rrjetit.
Në videon e publikuar në media shihet një avion duke u përplasur në det rreth 100 metra larg pushuesve në Hampton Beach, New Hampshire.
Administrata Federale e Aviacionit tha në një deklaratë se piloti ishte i vetmi person në bord.
Shefi i policisë së Hampton, Alex Reno tha se piloti u shpëtua nga rojet e plazhit dhe nuk pati dëmtime nga incidenti.
Që nga moment i ngjarjes, avioni është tërhequr në breg nga autoritetet, ku policia dhe Bordi Kombëtar i Sigurisë së Transportit do të hetojnë shkakun e incidentit.
Departamenti i Policisë Hampton dhe Patrulla e plazhit të New Hampshire ende nuk kanë përcaktuar shkakun e kësaj ngjarje, teksa theksojnë se nuk ka pasur asnjë të lënduar./Opinion.al
