Shtetet e Bashkuara akuzuan dy avionë rusë për manovra “të pasigurta dhe joprofesionale” gjatë një takimi në ajër me një avion patrullues amerikan në Detin Mesdhe.
Departamenti Amerikan i Mbrojtjes i identifikoi avionët si model Su-35 dhe tha se shoqëruan avionin amerikan P-8A Poseidon për 64 minuta në hapësirë ajrore ndërkombëtare.
Departamenti i Mbrojtjes shtoi se avionët rusë nuk lejuan avionin amerikan të kryente manovra të sigurta.
Incidenti, për të cilin amerikanët publikuan edhe një video, ndodhi në të njëjtën ditë kur ushtria amerikane tha se Rusia kishte dërguar avionë luftarakë në Libi për të mbështetur mercenarët rusë që luftojnë atje./Opinion.al
