Një automjet është përfshirë nga flakët dhe është djegur tërësisht tek zona e “Komunës së Parisit” në Tiranë pasditen e sotme.
Policia njoftoi se mjeti tip “Mercedes Benz”, me targë TR5188R, i parkuar, u përfshi nga flakët dhe pas tij është djegur edhe mjeti tip “Audi A3”, me targa AA 651 EE, në pronësi te firmës “T. L.”, i parkuar pranë tij.
Në vendngjarje ka mbërritur zjarrfikësja dhe forcat e policisë që kanë bërë të mundur rrethimin e zonës dhe evakuimin e qytetarëve.
Por fatmirësisht asnjë person nuk ka mbetur i lënduar, ndërsa shkaqet e zjarrit janë ende të panjohura.
