Një masakër e vërtetë u regjistrua në mesnatë në Velipojë, ku 4 persona u vranë dhe u plagosën 2 të tjerë.
Sikurse shohim nga pamjet e mëposhtme forca të shumta policie kanë mbërritur në vendngjarje për të bërë të mundur zbardhjen e ngjarjes dhe identifikimin e autorëve.
Po ashtu i pranishëm ka qenë dhe Drejtori i Përgjithshëm i Policisë së Shtetit, Ardi Veliu, dhe drejtues të tjerë të policisë, ndërsa specialistë të kriminalistikës kanë kryer veprimet hetimore për zbardhjen e ngjarjes.
Në vendngjarje ka qenë edhe një makinë e blinduar e policisë, ndërsa në ndihmë të Policisë vendore ka shkuar FNSH Shkodër dhe një grup i Forcave Speciale Renea.
Ndërkohë, mësohet se viktimat janë Kujtim Ferracaku, dhe 2 anëtare të familjes Gocaj, Xhovani Gocaj, Edmond Gocaj. I vdekur ka mbetur edhe Myzerim Zeneli punonjësi i shezlongëve, vetëm 20 vjeç. Hotelet e tyre janë vetëm 50 metra nga njëri-tjetri.
Të plagosur në ngjarjen e rëndë është edhe i vëllai i Kujtim Ferracakut, Hasan Ferracaku 54 vjeç, si dhe Elmilind Dyli. Palët dyshohet se u konfliktuan mesditën e djeshme për shezlongët.
Palët dyshohet se u konfliktuan për shezlonget pasditen e djeshme. Sipas policisë ata janë përfshirë në një sherr për hapësirat në plazh për vendosjen e çadrave dhe shezlongëve, ndërkohë konfirmohet se është qëlluar me më shumë se një armë./Opinion.al
