Një ditë pasi u vra në atentat në Shkodër, 53 vjeçari Fatbardh Liçi, mësohet se makina e përdorur nga autorët e krimit është grabitur në Tiranë afro dy javë më parë. Autorët e kësaj vrasje ende nuk janë identifikuar nga policia e Shkodrës.
Dje rreth orës 7: 10 në zonën e Dobraçit u njofua për djegien e makinës. Ndërsa 5 minuta më vonë një tjetër telefonatë njoftoi policinë se në Unazën Lindore të qytetit, në zonën e quajtur ish Poçeria kishte ndodhur një vrasje.
Mjeti që u gjet i djegur rezulton i vjedhur në Tiranë më 30 korrik dhe dyshohet të jetë përdorur në vrasjen e 53 vjeçarit Fatbardh Liçi. Kujtojmë se në fund të korrikut, një çift që po kthente nga Dajti për në Tiranën njoftoi policinë se persona me armë dhe me kamuflazh policie u kishin bërë thirrje të ndalonin. Pasi i kanë zbritur në tokë dy të rinjtë, autorët kanë marrë gjithçka që ata kishin me vete përfshirë edhe makinën. Pak metra më tutje u gjetën telefonat dhe portofolat. Pra autorët ishin të interesuar vetëm për mjetin. Opinion.al u interesua në policinë e Tiranës, për të mësuar rreth hetimeve për këtë grabitje, por deri para 5 ditësh policia nuk kishte asnjë të dyshuar për grabitjen e makines.
Dje ndodhi vrasja në Shkodër, dhe dyshohet se makina e perdorur është pikerisht ajo që u grabit në Dajt. Nga të dhënat e siguruara nga grupi hetimor, mësohet se 53-vjeçari Lici ka shkuar në lokal rreth orës 6 e 45 minuta dhe rreth 5 minuta më pas është ekzekutuar. Autori, ende i pazbuluar, ka qëlluar me 15 plumba ndaj viktimës.
Policia e Shkodrës ka shoqëruar 18 persona në komisariat, të cilët pasi janë marrë në pyetje janë lene te lirë. E vetmja pistë që po hetohet është ajo e hakmarrjes, pasi 53 vjeçari ka qenë i dyshuar për vrasjen e Astrit Kurmemajt, ngjarje e ndodhur 2011-ën.
Njoftimi per grabitjen ne Dajt
Më datë 30.07.2018, shtetasi D.Sh., ka telefonuar policinë dhe ka kallëzuar se në aksin rrugor “Tiranë-Dajt”, dy persona të paidentifikuar nën kërcënimin e armës i kanë marrë mjetin. Në lidhje me këtë njoftim është ngritur grup hetimor për sqarimin e rrethanave të ngjarjes dhe vërtetësinë e informacionit, si dhe janë njoftuar DVP Elbasan, Durrës dhe Lezhë.
Pamje nga vrasja ne Shkoder
