Pamjet e mëposhtme tregojnë momentet teksa është tentuar t’i bëhet atentat Aleks Dedës në Lezhë.
Gazetari Artan Hoxha, ka ndarë në Xhungël video-n në të cilën transmetohen pamjet nga atentati, i datës 7 mars 2022 dhe po ashtu ai i datës 7 prill të po këtij viti.
Deda shfaqet, i shoqëruar edhe nga dy persona te tjerë, të cilët për fat të mire iu kanë shpëtuar plumbave. Pasi qëllohet në drejtim të 44 vjeçarit ai rrëzohet në toke ndërkohë që plumbat kapin vetëm xhupin e tij.
Hoxha bën me dije se xhupi i Dedës është përshkuar nga 6 plumba, por për fat të mire pa i rrezikuar jeten. Po ashtu ai thotë se tashmë xhupi është sekuestruar nga prokuroria si provë materiale.
“Jetegjati nuk behet jeteshkurter… U mbijeton 3 atentateve. Vetem në atentatin e fundit, me 7 mars 2022, 6 plumba i bejnë xhupin kullojse makaronash, por deshmitari i mbrojtur nga Policia e Shtetit mbetet ende nje thesar me shume vlere per SPAK-un”, shkruan Hoxha në Facebook.
Sipas Hoxhës Aleks Deda është tentuar të vritet edhe tre herë me dron, por sërish ka shpëtuar. Tentativa e fundit për ta vrarë me dron ka qenë në datë 7 prill.
Pamjet e publikuara nga Hoxha tregojnë dronin para banesës. “Efektivët kanë arritur ta dallojnë atë. Në vendngjarje ka shkuar menjëherë policia. Është menduar edhe ta qëllojnë dronin, por është lënë për ta gjetur nga është nisur. Dhe ndërkohë nuk është gjetur”, ka thënë Hoxha në abc.
Deda është shprehur në polici se nuk ka ndonjë konflikt me ndonjë grup apo person, por sipas tij po tentojnë ta heqin qafe për shkak të njohjeve që ka me grupe kriminale në Fushë Krujë dhe Lezhë. Ai është një emër i njohur në Lezhë dhe ka ndërtuar një resort në shëtitoren e Drinit./Opinion.al
