Policia e qarkut Lezhë ka arritur të zbulojë dhe të asgjësojë 843 rrënjë kanabis në fshatin Kushnen të rrethit të Mirditës.
Pas një operacioni policor të quajtur Agimi që ka zgjatur 1 muaj policia ka arritur të gjejë parcelat me drogë dhe të vendosë në pranga kultivuesit: Gentjan Cupi, 21 vjeç dhe Fatmir Vila, 32 vjeç.
Në kërkim janë shpallur F.M dhe A.D.Këta shtetas, në bashkëpunim me njëri – tjetrin, në vendin e quajtur Kushnen, Njësia Administrative Kaçinar, Rrethi Mirditë, në një zonë pyjore dyshohet se kanë përgatitur terrenin dhe kanë kultivuar 843 bimë narkotike të dyshuara cannabis – sativa, të cilat pas konstatimit nga forcat policore, u asgjësuan me anë të djegies.
Për këta shtetas janë referuar materialet në Prokurorinë e Rrethit Gjyqësor Lezhë për vepren penale “Kultivimi i bimëve narkotike” kryer në bashkëpunim, parashikuar nga Neni 284/2 i Kodit Penal.
Gjithashtu në vijim të hetimeve dhe veprimeve u procedua penalisht në gjendje të lirë Kryetari i fshatit Kushnen shtetasi B.D. 47 vjeç, banues në Kushnen, për vepren penale “Moskallëzim krimi” , parashikuar nga Neni 305 i Kodit Penal.
Vazhdojnë veprimet hetimore proceduriale dhe punohet për identifikimin, kapjen dhe dokumentimin e aktivitetit kriminal të personave të tjerë të përfshirë në këtë veprimtari kriminale./Opinion.al
