Arrestohet sërish Arkimed Lushaj, i njohur më shumë si reperi Stresi dhe në këto momente ndodhet në qelinë e paraburgimit të Komisariatit nr. 4 në kryeqytet. Ende nuk dihet zyrtarisht se, cilat janë arsyet e këtij arrestimi, por vetë këngëtari ka bërë të ditur kjo është hera e tretë që arrestohet.
Gjithçka është bërë publike pikërisht nga vetë Stresi nëpërmjet një video të postuar në profilin personal të tij në rrjetet zyrtare direkt nga qelia e paraburgimit ku e po e mbajnë së bashku me një mikun e tij.
Npërmjet këtij filmimi Stresi ju ka bërë thirrje të gjitha mediave dhe gazetarëve, që të shkruajnë për këtë gjë, pasi sikurse ai pretendon, se kjo ka ndodhur padrejtësisht dhe 2 herë në mënyrë të njëpasnjëshme.
“Bashkë me një shokun tim, – thotë reperi i famshëm në video. – Ju bëj thirrje të gjithë gazetarëve e të gjithë mediave! Është hera e dytë që më arrestojnë për këtë rast. Është qesharake të ndalohem sa herë më shohin për këtë gjë sepse nuk e dinë që gjykatësi më ka dhënë 16 muaj punë në komunitet”, deklaron stresi në këtë video.
Ai më pas ka treguar se kjo shënon herën e tretë që arrestohet padrejtësisht nga policia dhe i ka bërë edhe një herë thirrje medias të raportojnë këtë lajm. Gjithsesi bie në sy që ai nuk e ka humbur humorin edhe pse ndodhet në qelinë e paraburgimit.
