Video/ Arrestohen tre persona për shit-blerje droge në Fier

Tre persona janë arrestuar në flagrancë nga blutë e qytetit të Fierit teksa shisnin dhe blinin lëndë narkotike. Në prangat e policisë kanë rënë 35-vjeçari me iniciale E.Y, 38-vjeçari me iniciale S. T dhe 27-vjeçari me iniciale E.S .

Sipas njoftimit të policisë këta tre persona u kapën në flagrancë duke shkëmbyer lëndë narkotike. Gjatë kontrollit të mjetit në pronësi të 27-vjeçarit E.S u gjet një sasi prej 5 kg lëndë narkotike, e cila dyshohet të blerë nga dy personat e tjerë me iniciale E.Y dhe S.T.

Gjithashtu gjatë kontrollit fizik ushtruar 35-vjeçarit, E.Y iu gjetën dhe sekuenstruan sekuestruan 1 550 euro dhe 90 000 lekë, që mendohet se janë përfituar nga shitja e lëndës narkotike.

Policia ka bërë të ditur se në kontrollin e ushtruar më pas në banesën e 35-vjeçarit u gjetën edhe 8 kg lëndë narkotike.

Gjithashtu janë sekuenstruar në cilësinë e provës materiale 2 automjete dhe 7 aparate celularësh.

Materialet procedurale i kaluan Prokurorisë pranë Gjykatës së Shkallës së Parë Fier, për veprën penale “Prodhimi dhe shitja e lëndëve narkotike” kryer në bashkëpunim./Opinion.al/

 

View this post on Instagram

 

Fier Policia e Fierit finalizon me sukses një tjetër operacion antidrogë. Finalizohet operacioni policor antidrogë i koduar “Kreshpan”. Operacion për goditjen e veprimtarisë kriminale të prodhimit dhe shitjes së narkotikëve, i ndjekur me metodat speciale të hetimit. Sekuestrohen rreth 13 kg kanabis, 2 automjete, 7 aparate celulare dhe një sasi parash. Në pranga 3 shtetas që ushtronin këtë veprimtari kriminale. Në vijim të punës për parandalimin dhe ndëshkimin e veprimtarisë kriminale në fushën e narkotikëve, nga specialistët për Hetimin e Krimeve në Komisariatin e Policisë Fier, në bashkëpunim me Seksionin për Hetimin e Narkotikëve në DVP Fier, pas një pune hetimore 10-ditore, të ndjekur me metodat speciale të hetimit, u finalizua me sukses operacioni policor i koduar “Kreshpan”, gjatë të cilit u bë arrestimi në flagrancë i shtetasve: E. Y., 35 vjeç, banues në Kreshpan, Fier; S. T., 38 vjeç, banues në Kreshpan, Fier; E. S., 27 vjeç, banues në Tiranë; Si rezultat i operacionit, në aksin rrugor Levan-Tepelenë, shërbimet e Policisë kapën në flagrancë shtetasit E. Y., S. T. dhe E. S. duke shkëmbyer një sasi lënde narkotike kanabis. Gjatë kontrollit të ushtruar në automjetin tip Audi në pronësi të shtetasit E. S., u gjet një sasi prej 5 kg lëndë narkotike kanabis, e cila dyshohet të jetë blerë te shtetasit E. Y dhe S. T. Gjatë kontrollit fizik, shtetasit E. Y. iu gjetën dhe sekuestruan 1 550 euro dhe 90 000 lekë, të cilat dyshohet se janë përfituar nga shitja e lëndës narkotike. Gjithashtu, nga kontrolli i banesës së shtetasit E. Y., u gjet dhe sekuestrua në cilësinë e provës materiale rreth 8 kg lëndë narkotike kanabis. Materialet procedurale i kaluan Prokurorisë pranë Gjykatës së Shkallës së Parë Fier, për veprën penale “Prodhimi dhe shitja e lëndëve narkotike” kryer në bashkëpunim.

A post shared by Policia e Shtetit (@policiae_shtetit) on Nov 1, 2019 at 1:04am PDT