Armina Mevlani ka qenë e ftuar në emisionin Gossip Tv, në një rubrikë të posaçme për të, ku ka folur për modën, make up-in dhe të qenit një blogere në Shqipëri.
Ajo është përfolur shumë kohët e fundit për jetën luksoze gjë bën dhe dhuratat e shtrenjta që merr. Megjithatë Armina ka sqaruar edhe një herë se jo çdo benefit e ka si pasoje e lidhjes me Shkëlzenin.
“Portalet shkruanin se shishja e verës (që në të vërtetë iu dhurua nga personali i hotelit ku po qëndronte) m’u dhurua nga partneri. Edhe hoteli superluksoz po ashtu nga partneri dhe aty përjetova njëfarë irritimi për të vetmen arsye, sepse e kisha fituar vetë . Kjo është pagesa që mua po më jepet për punën që po bëj”, thotë Armina.
“ Unë gjithmonë e kam thënë që ai më ka mbështetur por kjo nuk do të thotë që ka financuar lukset e mia. Sigurisht që kam pasur ndihmë nga partneri im, si çdo njeri tjetër por nëse do të vazhdoja të kisha përfitime, as nuk do të isha në javën e modës sepse biletat nuk blihen, nuk do të isha as në shumë vende të tjera dhe nuk do të paguaja firmat të cilat unë i vesh në Instagram për t’i reklamuar e shumë gjëra të tjera “, përfundon Armina.
Blogerja ndër të tjera ka folur edhe për marrëdhënien e saj me vjehrrën. E pyetur nëse shoqërojnë njëra tjetrën për shopping Armina paksa ndrojtur ka thënë se nuk dalin për të blerë rroba bashkë.
“Mund të takohemi, por shopping nuk kemi bërë. Thjeshtë ne takohemi. Kemi një marrëdhënie shumë të qetë, shumë të mirë…” – tregon ajo për nënën e Shkëlzenit, Liri Berisha.
Megjithatë, përtej marrëdhënies së mirë dhe të qetë, duket se zonja Berisha nuk është natyrë që e merr në tel dhe e pyet me çfarë mund një veshje e caktuar: “Faktikisht jo, por më merr për t’i përzgjedhur ndonjë gjë të lezetshme te dyqani. Unë ia përzgjedh, mund ta këshilloj pak, por ajo ka shumë stil edhe vetë…”
