Ashtu sikurse u bë me dije mëngjesin e sotëm nga mediat greke, ambasadorja e Greqisë në Shqipëri, Konstantina Kamitsi, u paraqit ditën e sotme në ambientet e paraburgimit të Vlorës për t’u takuar me Fredi Belerin.
Në pamjet e publikuara nga Klan News ajo shoqërohet nga avokati i Belerit dhe nga përkthyesi i saj.
Beleri do të presë sot edhe Sekretarin e Përgjithshëm të Ministrisë greke për Punët e Jashtme, Teocharis Lalakos. Edhe ky i fundit pritet që të vijë në Shqipëri për t’u takuar me kryebashkiakun e sapozgjedhur të Himarës. Lajmin e publikuan mediat greke. Takimet vijnë si pjesë e udhëzimit të ministrit të Jashtëm grek, Nikos Dendias.
