Bukuroshja shqiptare, Almeda Abazi dhe aktori i famshëm turk, Tolgahan Sayisman, e kanë kurorëzuar me martesë lidhjen e tyre.
Çifti është martuar në Los Angeles të Shteteve të Bashkuara të Amerikës, pikërisht në ditën kur dikur më e bukura e Shqipërisë festonte ditëlindjen e saj.
Tolgahan Sayışman ve Almeda Abazi Evlendi by haberler
Në ceremoninë martesore të zhvilluar në një tarracë në Beverly Hills ishin të pranishëm 40 të ftuar, kryesisht familjarë dhe miq të ngushtë.
Velloja që kishte veshur Almeda ishte e gjatë në pjesën e pasme, ndërsa në këtë ambient, çifti i ka dhënë betimet.
Tolgahan Sayışman’nın nikah töreninden görüntü by Sozcu
Aktori i njohur për rolin e Çenarit kishte bërë një postim në rrjete sociale në këtë moment shumë të rëndësishëm në jetën e tij.
“Ta duash një njeri me zemër është që buzëqeshja e saj të të duket agim i ditës. Të gjesh një person që t’i kujton të gjitha bukuritë e krijuesit, është bekim më vete. Zoti bëftë që të gjithë ju të jeni bashkë me njerëz me të cilët të plakeni dorë për dore, me njerëz që t’i lëshoni gjethet e kohës plot dashuri. Le të jetë ky postimi me të cilin i jap lamtumirën beqarisë”, kishte shkruar Sayisman.
Në ndërkohë, Almeda Abazi e ka falënderuar Zotin për ditën më të lumtur në jetën e saj.
