Kryeministri Edi Rama po zhvillon një takim me kryeministrin e Kosovës Albin Kurti në Tiranë.
Sipas informacioneve takimi po zhvillohet në ‘Vilën 31’, në zonën e ish-Bllokut.
Ende nuk ka detaje në lidhje me arsyet e takimit që është duke u zhvilluar.
Kujtojmë se mbledhja e përbashkët mes dy qeverive asaj të Shqipërisë dhe Kosovës u mbajt me 20 qershor, ndërsa u firmosën 19 marrëveshje, një prej të cilave ishte edhe abetarja e përbashkët unike që tashmë është në duart e nxënësve të klasave të para.
