Florjan Binaj ishte i ftuar në programin ‘Një kat më lart’ të moderatorit Ermal Peçi ku rrëfeu suksesin e tij edhe në këtë sezon të ‘Portokalli’, teksa nuk u mendua gjatë teksa moderatori e pyeti për largimin e tij nga spektakli i humorit.
Herë pas herë mediat kanë spekuluar për një largim të mundshëm, ndërsa ai ka thënë se nuk do të “Asgjë s’është e përjetshme. Mund të vijë një periudhe që mund të jetë edhe fundi i ‘Portokallisë’. Do jemi ata që kemi thyer gjithmonë rekorde”.
Nëse në fillim te intervistës Flori u përpoq të përgjithësoj përgjigjen e tij, prezantuesi e pyeti rreth diskutimeve për programin e ri të humorit nga Bes Kallaku, nëse ka marrë ndonjë ofertë dhe se a do të largohej për këtë projekt të ri.
“Nuk ka asgjë konkrete për momentin. Janë thjesht thashetheme, për momentin. Mendoj se gjithmonë ka qenë dera e hapur për projekte të reja, kudo qofshin”, është shprehur ai.
Nuk ka dyshim se Binaj është një nga aktorët më të dashur të ekranit dhe të spektaklit ‘Portokalli’.
Intervistën e plotë në lidhje me thashethemet rreth ‘Portokalli’ dhe programet tjera të humorit mund t’i dëgjoni në videon e mëposhtme.
