Fansat e Beyonces po sulmojnë aktorin Omari Hardwick, pasi i dha dy puthje në faqe këngëtares, gjatë eventit të “NAACP Image Awards”. Në videon e publikuar online, e cila tashmë është bërë virale, dallohet momenti kur aktori puth dy herë Beyoncen, ndërsa ngjitur është bashkëshorti i saj Jay Z.
Video është rishpërndarë disa herë teksa fansat e saj janë shprehur të indinjuar nga veprimi i aktorit, i cili vuri në siklet Beyoncen por dhe bashkëshortin e saj.
“Puthja e dytë ishte e panevojshme dhe e sikletshme. Mos e bëni më këtë. Ne femrave shpesh na prekin, na puthin dhe na ngacmojnë si në këtë rast (në evente, në punë, etj.) Nuk na pëlqen kjo. Është koha që mos t’i lejojmë më këto momente të sikletshme të ndodhin”, shkruan një prej fansave të Beyonces.
Fansat e saj nisën të komentonin në fotot e profilit të aktorit në Instagram emojin e bletës, ndërsa disa i bënin thirrje që të mos e provonte më kurrë këtë veprim./Opinion.al
