Policia ka publikuar pamjet nga momenti i arrestimit të agresorit të armatosur në Laç i cili bëri rezistencë duke qëlluar mbi forcat speciale të RENEA-s. Aldi Lleshi 20 vjeç nga Laçi grabiti një automjet nën kërcënimin e armës në kryqëzimin e Milotit, aksi nacional Milot-Fushë-Krujë dhe më pas qëlloi edhe mbi patrullën e policisë. Për pasojë mbeti i plagosur në kokë efektivi i policisë, Nikolin Gjergji, i cili tashmë e ka kaluar rrezikun për jetën.
Në superaksionin për arrestimin e 20 vjeçarit të dhunshëm, morën pjesë forcat RENEA të cilat shkuan në ndihmë të drejtorisë së Policisë së Lezhës. Policia arriti ta neutralizojë autorin duke e plagosur në këmbë. Siç shihet në pamje, e gjithë policia është në fushat e Gjormit për arrestimin e personit të rrezikshëm që ka shkëmbyer zjarr me policinë. Autoblinda, helikopter dhe mjete të tjera policie janë vënë në dispozicion.
*Shihni videon e operacion më poshtë:
